ತನ್ನ ಮರಿಯೆಂದು ಭಾವಿಸಿ ಬೆಕ್ಕಿನಮರಿಯನ್ನ ಕಂಕುಳಲ್ಲಿಟ್ಟುಕೊಂಡು ಓಡಾಡ್ತಿರುವ ಮಂಗ

<p>Monkey and Kitten: ಅರಣ್ಯ ಸಿಬ್ಬಂದಿ ಆಗಮಿಸಿದ ಕೆಲ ಸಮಯದಲ್ಲಿ ಮಂಗನಿಗೆ ಮುನ್ಸೂಚನೆ ಸಿಕ್ಕಂತೆ ಸ್ಥಳದಿಂದ ಕಾಲ್ಕಿತ್ತಿತ್ತು. ಇಂದಿಗೂ ಮಂಗ ಬೆಕ್ಕಿನ ಮರಿಯನ್ನು ಹಿಡಿದುಕೊಂಡು ನಗರಾದ್ಯಂತ ಓಡಾಡುತ್ತಿದ್ದು, ಮಂಗನ ಪ್ರೀತಿ ಜನರ ಮನ ಕಲಕುವಂತಿದೆ.&nbsp;</p><img><p>ಕೆಂಪು ಮುಖದ ಮಂಗವೊಂದು ಬೆಕ್ಕಿನ ಮರಿಯನ್ನು ತನ್ನದೆಂದು ಭಾವಿಸಿ, ಅದನ್ನು ಪಾಲನೆ ಮಾಡುತ್ತಿರುವ ಘಟನೆ ಉತ್ತರಕನ್ನಡ ಜಿಲ್ಲೆಯ ಮುಂಡಗೋಡ ಪಟ್ಟಣದಲ್ಲಿ ಕಂಡುಬಂದಿದೆ.</p><img><p>ಅರಣ್ಯ ಇಲಾಖೆಯವರು ಮಂಗನನ್ನು ಹಿಡಿದು, ಬೆಕ್ಕಿನ ಮರಿಯನ್ನು ಬೇರ್ಪಡಿಸಲು ಪ್ರಯತ್ನಿಸಿದರೂ, ಅರಣ್ಯ ಸಿಬ್ಬಂದಿ ಬಂದ ತಕ್ಷಣ ಮಂಗ ಬೇರೆಡೆ ತೆರಳುತ್ತಿದೆ.</p><img><p>ಕಳೆದ ಒಂದು ವಾರದಿಂದ ಮಂಗವು ಪಟ್ಟಣದ ಹೊಸ ಓಣಿ, ಹೊಂಡದ ಓಣಿ, ಬಸವಣ್ಣ ದೇವಸ್ಥಾನ ಆವರಣದಲ್ಲಿ ಕಂಡುಬಂದಿದೆ. ಕಣ್ಣು ಬಿಡದ ಬೆಕ್ಕಿನ ಮರಿಯು ಮಂಗಣ್ಣನ ಕಂಕುಳಲ್ಲಿದ್ದು, ಯಾವುದೇ ಕಾರಣಕ್ಕೂ ಮಂಗವು ಬೆಕ್ಕಿನ ಮರಿಯನ್ನು ಬಿಡುತ್ತಿಲ್ಲ.</p><img><p>ಜನರ ಸನಿಹ ಬಂದು ಮಂಗ ಕುಳಿತುಕೊಳ್ಳುತ್ತದೆ. ಕೆಲವೊಮ್ಮೆ ಜನರ ಮೈಮೇಲೆ ಏರಿ ಸುಮ್ಮನೆ ಕುಳಿತುಕೊಳ್ಳುತ್ತದೆ. ಆದರೆ, ಬೆಕ್ಕಿನ ಮರಿಯನ್ನು ಮಾತ್ರ ಮುಟ್ಟಲೂ ಬಿಡುವುದಿಲ್ಲ. ಮಂಗವು ಬೆಕ್ಕಿನ ಮರಿಗೆ ತಿನ್ನಿಸುವ, ಮುತ್ತು ಕೊಡುವ, ಮೈ ಸವರುವುದನ್ನು ಮಾಡುತ್ತದೆ.</p><img><p>ಬೆಕ್ಕಿನ ಮರಿಯು ಮಂಗನ ಕೈಯಲ್ಲಿ ನಿದ್ರೆ ಮಾಡುತ್ತಿರುವಂತ ಸ್ಥಿತಿಯಲ್ಲಿ ಕುಳಿತಿರುತ್ತದೆ. ಮಕ್ಕಳು, ಮಹಿಳೆಯರಿಗೆ ಮಂಗನಿಂದ ಏನಾದರೂ ತೊಂದರೆ ಆಗದಿರಲಿ ಎಂದು ಅದನ್ನು ಹಿಡಿಸಲು ಅರಣ್ಯ ಸಿಬ್ಬಂದಿಗೆ ಮಾಹಿತಿ ನೀಡಿದ್ದರು.</p><img><p>ಅರಣ್ಯ ಸಿಬ್ಬಂದಿ ಆಗಮಿಸಿದ ಕೆಲ ಸಮಯದಲ್ಲಿ ಮಂಗನಿಗೆ ಮುನ್ಸೂಚನೆ ಸಿಕ್ಕಂತೆ ಸ್ಥಳದಿಂದ ಕಾಲ್ಕಿತ್ತಿತ್ತು. ಇಂದಿಗೂ ಮಂಗ ಬೆಕ್ಕಿನ ಮರಿಯನ್ನು ಹಿಡಿದುಕೊಂಡು ನಗರಾದ್ಯಂತ ಓಡಾಡುತ್ತಿದ್ದು, ಮಂಗನ ಪ್ರೀತಿ ಜನರ ಮನ ಕಲಕುವಂತಿದೆ.</p>



Source link