ನೆಟ್ಫ್ಲಿಕ್ಸ್ (ನೆಟ್ಫ್ಲಿಕ್ಸ್), ವಿಶ್ವದ ಶ್ರೀಮಂತ ಮತ್ತು ಲಾಭದಾಯಕ ಒಟಿಟಿಗಳಲ್ಲಿ ಒಂದು. ಪ್ರತಿ ತಿಂಗಳ ಚಂದಾ ಶುಲ್ಕ ಪಡೆಯುವ ನೆಟ್ಫ್ಲಿಕ್ಸ್, ಸಹ ಸ್ಪರ್ಧಿಗಳಾದ ಅಮೆಜಾನ್, ಜಿಯೋ ಹಾಟ್ ಸ್ಟಾರ್ ಇತರೆಗಳಿಗೆ ದೊಡ್ಡ ಮಟ್ಟದ ಸೇವೆಯನ್ನೇ ನೀಡುತ್ತಿಲ್ಲ. ಬದಲಿಗೆ ಅವೇ ಬಿಡುಗಡೆ ಆದ ಸಿನಿಮಾಗಳನ್ನು ಖರೀದಿಸಿ ಒಟಿಟಿಯಲ್ಲಿ ಸ್ಟ್ರೀಮ್ ಮಾಡುತ್ತಿದೆ. ಜಿಯೋ ಹಾಟ್ಸ್ಟಾರ್, ಅಮೆಜಾನ್ ಪ್ರೈಮ್ ಸಹ ಅದೇ ಕಾರ್ಯವನ್ನು ನಿರ್ವಹಿಸುತ್ತಿದೆ, ಅವು ನೆಟ್ಫ್ಲಿಕ್ಸ್ಗೆ ಬಹಳ ಕಡಿಮೆ ಶುಲ್ಕದಲ್ಲಿ ಲಭ್ಯವಿದೆ. ಆದರೆ ಇದೀಗ ನೆಟ್ಫ್ಲಿಕ್ಸ್, ಗೇಮ್ ಬದಲಿಸುವ ಆಲೋಚನೆಯಲ್ಲಿದೆ.
ನೆಟ್ಫ್ಲಿಕ್ಸ್ ಭಾರತದಲ್ಲಿ ವೆಬ್ ಸೀರೀಸ್ ನಿರ್ಮಾಣವನ್ನು ಪ್ರಾರಂಭಿಸಲು ಕೆಲವು ವರ್ಷಗಳು ಲಭ್ಯವಿವೆ. ಹಿಂದಿಯ ಕೆಲವು ವೆಬ್ ಸರಣಿಗಳನ್ನು ನೆಟ್ಫ್ಲಿಕ್ಸ್ ನಿರ್ಮಾಣ ಮಾಡಿದೆ. ಆದರೆ ಇದೀಗ ದಕ್ಷಿಣ ಭಾರತದ ಮೇಲೂ ಹೂಡಿಕೆ ಮಾಡಲು ನೆಟ್ಫ್ಲಿಕ್ಸ್ ಮುಂದಾಗಿದೆ. ದಕ್ಷಿಣ ಭಾರತದಲ್ಲಿ ವೆಬ್ ಸರಣಿ ಸೇರಿದಂತೆ ಇನ್ನಿತರೆ ಕಾಂಟೆಂಟ್ ನಿರ್ಮಾಣಕ್ಕೆ ನೆಟ್ ಫ್ಲಿಕ್ಸ್ ಕೋಟ್ಯಂತರ ರೂಪಾಯಿ ಹಣ ಹೂಡಿಕೆ ಮಾಡಲಾಗುವುದು. ಇದರ ಜೊತೆಗೆ ಇನ್ನು ಮುಂದೆ ಭಾರಿ ಮೊತ್ತ ವ್ಯಯಿಸಿ ದಕ್ಷಿಣ ಭಾರತದ ಸಿನಿಮಾಗಳನ್ನು ಖರೀದಿಸಲು ಸಹ ನೆಟ್ ಫ್ಲಿಕ್ಸ್ ತೀರ್ಮಾನ ಮಾಡಿದೆ.
ನೆಟ್ ಫ್ಲಿಕ್ಸ್ ಕಳೆದ ಕೆಲವು ವರ್ಷಗಳಿಂದ ದಕ್ಷಿಣ ಚಿತ್ರರಂಗದ ಮೇಲೆ ಭಾರಿ ಹೂಡಿಕೆ ಮಾಡಿದೆ. ಕೆಲವು ದೊಡ್ಡ ಸ್ಟಾರ್ ನಟರ ಸಿನಿಮಾಗಳನ್ನು ಖರೀದಿಸಿ ಒಟಿಟಿಯಲ್ಲಿ ಸ್ಟ್ರೀಮ್ ಮಾಡಿದೆ. ಕೆಲವು ಸಿನಿಮಾಗಳು ಲಾಭ ಮಾಡಿಕೊಟ್ಟರೆ ಕೆಲವು ಭಾರಿ ನಷ್ಟ ಉಂಟು ಮಾಡಿದೆ. ಇದೇ ಕಾರಣಕ್ಕೆ ಇನ್ನು ಮುಂದೆ ದಕ್ಷಿಣದ ಸಿನಿಮಾಗಳ ಮೇಲೆ ದೊಡ್ಡ ಮೊತ್ತವನ್ನು ಹೂಡಿಕೆ ಮಾಡದಿರಲು ನಿರ್ಧರಿಸಿದ್ದು, ಬದಲಿಗೆ ಸ್ವಂತವಾಗಿ ವೆಬ್ ಸರಣಿಯನ್ನು ನಿರ್ಮಿಸಲಾಗಿದೆ.
ಇದನ್ನೂ ಓದಿ:ಈ ವಾರ ಒಟಿಟಿಗೆ ಹಿಟ್ ಸಿನಿಮಾಗಳು, ನಿಮ್ಮ ಆಯ್ಕೆ ಯಾವುದು?
ಪ್ರಸ್ತುತ ತೆಲುಗು ಮತ್ತು ತಮಿಳು ಭಾಷೆಯಲ್ಲಿ ಮಾತ್ರವೇ ವೆಬ್ ಸರಣಿ ನಿರ್ಮಿಸಲು ಅಥವಾ ವೆಬ್ ಸರಣಿ ನಿರ್ಮಾಣ ಮಾಡುವವರಿಗೆ ಬೆಂಬಲವನ್ನು ನೀಡಲು ನೆಟ್ಫ್ಲಿಕ್ಸ್ ನಿರ್ಧರಿಸಿದೆ, ತೆಲುಗು ಹಾಗೂ ತಮಿಳು ಆರು ಸರಣಿಗಳನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ದಕ್ಷಿಣ ಭಾರತದ ಕಾಂಟೆಂಟ್ಗೆ ವಿಶ್ವ ಮಟ್ಟದಲ್ಲಿ ಬೇಡಿಕೆ ಇರುವುದನ್ನು ಗುರುತಿಸಿರುವ ನೆಟ್ಫ್ಲಿಕ್ಸ್ ಅದರ ಲಾಭವನ್ನು ಪಡೆಯಲು ಮುಂದಾಗಿದೆ.
ಗುಲ್ಷನ್ ದೇವಯ್ಯ, ಮಾಧವನ್ ನಟಿಸಿರುವ ‘ಲೆಗಸಿ’, ಮರ್ಡರ್ ಮಿಸ್ಟರ್ ಕತೆಯ ‘ಸ್ಟೀಫನ್’, ಹಾಸ್ಯ ಪ್ರಧಾನ ‘ಸೂಪರ್ ಸುಬ್ಬು’, ವಿಜಯ್ ದೇವರಕೊಂಡ ಸಹೋದರ ಆನಂದ್ ದೇವರಕೊಂಡ ನಟನೆಯ ‘ತಕ್ಷಕುಡು’, ‘ಲವ್’, ‘ಮೇಡ್ ಇನ್ ಕೊರಿಯಾ’ ವೆಬ್ ಸರಣಿಗಳನ್ನು ನೆಟ್ಫ್ಲಿಕ್ಸ್ ಪ್ರಕಟಿಸಿದೆ, ಶೀಘ್ರವೇ ಸ್ಟ್ರೀಮಿಂಗ್ ಸಹ ಪ್ರಾರಂಭವಾಗಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
