ರಶ್ಮಿಕಾ ಮಂದಣ್ಣ (ರಶ್ಮಿಕಾ ಮಂದಣ್ಣ) ನಟನೆಯ ಹೊಸ ಸಿನಿಮಾ ‘ಗರ್ಲ್ಫ್ರೆಂಡ್’ ಬಿಡುಗಡೆಗೆ ಇನ್ನೆರಡು ದಿನಗಳು ಬಾಕಿ ಇದೆ. ಇದು ರಶ್ಮಿಕಾ ಮಂದಣ್ಣ ನಟಿಸುತ್ತಿರುವ ಮೊದಲ ಮಹಿಳಾ ಪ್ರಧಾನ ಸಿನಿಮಾ ಆಗಿರುತ್ತದೆ. ಸಿನಿಮಾದಲ್ಲಿ ಕನ್ನಡಿಗ ದೀಕ್ಷಿತ್ ಶೆಟ್ಟಿ ನಾಯಕ. ರೊಮ್ಯಾಂಟಿಕ್ ಕತೆಯೇ ಆದರೂ ಸಹ ಪ್ರೀತಿಯನ್ನು ಯುವತಿಯ ದೃಷ್ಟಿಕೋನದಿಂದ ನೋಡುವ ಪ್ರಯತ್ನ ಈ ಸಿನಿಮಾದಲ್ಲಿದೆ. ಆದರೆ ಸಿನಿಮಾದ ಟ್ರೈಲರ್, ಹಾಡುಗಳನ್ನು ನೋಡಿದವರು ‘ಗರ್ಲ್ಫ್ರೆಂಡ್’ ಸಿನಿಮಾವನ್ನು ವಿಜಯ್ ದೇವರಕೊಂಡ ನಟನೆಯ ‘ಅರ್ಜುನ್ ರೆಡ್ಡಿ’ ಸಿನಿಮಾದ ಜೊತೆಗೆ ಹೋಲಿಸುತ್ತಿದ್ದಾರೆ.
ವಿಜಯ್ ದೇವರಕೊಂಡ ನಟನೆಯ ‘ಅರ್ಜುನ್ ರೆಡ್ಡಿ’ ಸಿನಿಮಾ ಭಿನ್ನ ಪ್ರೇಮಕತೆಯನ್ನು ಹೊಂದಿತ್ತು. ಆ ಪ್ರೀತಿ ಮತ್ತು ಬ್ರೇಕ್ ಅಪ್ನ ಪರಾಕಾಷ್ಠೆಯನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ. ನಾಯಕನ ಅತಿಯಾದ ಪೊಸೆಸಿವ್ ನೆಸ್, ನಾಯಕಿಯೆಡೆಗಿನ ದೈಹಿಕ ಸೆಳೆತ ಇನ್ನೂ ಹಲವು ಸಿನಿಮಾಗಳಲ್ಲಿ ತೋರಿಸಲಾಗಿದೆ. ಆದರೆ ‘ಗರ್ಲ್ಫ್ರೆಂಡ್’ ಸಿನಿಮಾಕ್ಕೆ ಅದನ್ನು ಹೋಲಿಕೆ ಮಾಡಲಾಗುತ್ತಿದೆ. ಆದರೆ ಇದಕ್ಕೂ ಕಾರಣ ಇದೆ.
ಅರ್ಜುನ್ ರೆಡ್ಡಿ’ ಬ್ಲಾಕ್ ಬಸ್ಟರ್ ಸಿನಿಮಾ ಆಗಿದ್ದರೂ ಸಹ ಸಿನಿಮಾಕ್ಕೆ ಸಾಕಷ್ಟು ಟೀಕೆಯಾಗಿತ್ತು. ಪ್ರೀತಿಯ ಸೌಮ್ಯತೆಯ ಹೊರತಾಗಿ ವೈಯಲೆಂಟ್ ಆಗಿ, ನಾಯಕನ ದೃಷ್ಟಿಕೋನದಿಂದ ಏಕಪಕ್ಷೀಯವಾಗಿ ತೋರಿಸಲಾಗಿದೆ ಹಾಗೂ ‘ಅರ್ಜುನ್ ರೆಡ್ಡಿ’ ಸಿನಿಮಾ ಯುವಕರ ದಾರಿ ತಪ್ಪಿಸಿದೆ. ಆದರೆ ‘ಗರ್ಲ್ ಫ್ರೆಂಡ್’ ಸಿನಿಮಾ ಪ್ರೀತಿಯ ನಿಜ ಅರ್ಥವನ್ನು, ವಿಶೇಷವಾಗಿ ರಿಲೇಷನ್ ಶಿಪ್ನಲ್ಲಿ ಯುವಕನಷ್ಟೆ ಯುವತಿ ಪಾಲಿದೆ, ಸ್ವಾತಂತ್ರ್ಯವಿದೆ ಎಂದು ತೋರಿಸುವ ಪ್ರಯತ್ನ ಆಗಿದ್ದು, ಇದೇ ಕಾರಣಕ್ಕೆ ‘ಅರ್ಜುನ್ ರೆಡ್ಡಿ’ ಜೊತೆ ಹೋಲಿಕೆ ಮಾಡಲಾಗುತ್ತಿದೆ. ಕೆಲವರಂತೂ ‘ಗರ್ಲ್ಫ್ರೆಂಡ್’ ಸಿನಿಮಾ, ‘ಅರ್ಜುನ್ ರೆಡ್ಡಿ’ ಸಿನಿಮಾಗಳಿಗೆ ಉತ್ತರ ಎನ್ನುತ್ತಿದ್ದಾರೆ.
ಇದನ್ನೂ ಓದಿ:ಕನ್ನಡಿಗರ ಬಗ್ಗೆ ರಶ್ಮಿಕಾ ಮಂದಣ್ಣ ಕಾಳಜಿ, ಆಯ್ಕೆ ಸಲಹೆ
ಇದೀಗ ಈ ಬಗ್ಗೆ ‘ಗರ್ಲ್ಫ್ರೆಂಡ್’ ಸಿನಿಮಾದ ನಿರ್ದೇಶಕ ರಾಹುಲ್ ಸುಬ್ರಹ್ಮಣ್ಯಂ ಮಾತನಾಡಿದ್ದು, ‘ಅರ್ಜುನ್ ರೆಡ್ಡಿ’ ಸಿನಿಮಾದೊಂದಿಗೆ ನಮ್ಮ ಸಿನಿಮಾದ ಹೋಲಿಕೆ ಸರಿಯಿಲ್ಲ. ‘ಅರ್ಜುನ್ ರೆಡ್ಡಿ’ ಕಲ್ಟ್ ಸಿನಿಮಾ. ನಮ್ಮದು ಭಿನ್ನ ರೀತಿಯ ಸಿನಿಮಾ. ಎರಡೂ ಸಿನಿಮಾಗಳ ಕತೆಯಲ್ಲಿ ಎಲ್ಲಿಯೂ ಸಾಮ್ಯತೆ ಇಲ್ಲ. ಆ ಸಿನಿಮಾಕ್ಕೆ ನಮ್ಮ ಸಿನಿಮಾ ಉತ್ತರವೂ ಅಲ್ಲ. ಅಸಲಿಗೆ ‘ಅರ್ಜುನ್ ರೆಡ್ಡಿ’ ಸಿನಿಮಾ ಬಿಡುಗಡೆಗೆ ಮುಂಚೆಯೇ ನಾನು ಈ ಸಿನಿಮಾದ ಕತೆ ಬರೆದಿದ್ದೆ’.
ರಶ್ಮಿಕಾ ಮಂದಣ್ಣ ‘ಗರ್ಲ್ಫ್ರೆಂಡ್’ ಸಿನಿಮಾದ ನಾಯಕಿ ಆಗಿದ್ದು ದೀಕ್ಷಿತ್ ಶೆಟ್ಟಿ ನಾಯಕ. ಸಿನಿಮಾ ಅಲ್ಲು ಅರವಿಂದ್ ನಿರ್ಮಾಣ ಮಾಡಿದ್ದಾರೆ. ಸಿನಿಮಾ ನವೆಂಬರ್ 07 ರಂದು ಬಿಡುಗಡೆ ಆಗಲಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
