ರಾಧಿಕಾ ಪಂಡಿತ್'ಗೆ 2016ರ ವರ್ಷ ತುಂಬಾನೆ ಸ್ಪೆಷಲ್‌ ಆಗಿತ್ತಂತೆ… ಯಾಕೆ ನೋಡಿ

<p>Radhika Pandit: ಎಲ್ಲೆಡೆ 2016ರ ಟ್ರೆಂಡ್ ಜೋರಾಗಿ ನಡೆಯುತ್ತಿದೆ. ಎಲ್ಲರೂ ತಮ್ಮ ಹತ್ತು ವರ್ಷ ಹಿಂದಿನ ಫೋಟೊಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ನಟಿ ರಾಧಿಕಾ ಪಂಡಿತ್ ಕೂಡ 2016ರಲ್ಲಿ ತಮ್ಮ ಜೀವನದಲ್ಲಿ ಏನೆಲ್ಲಾ ಆಯ್ತು ಅನ್ನೋದನ್ನು ಹಂಚಿಕೊಂಡಿದ್ದಾರೆ. 2016 ಮೈಲುಗಲ್ಲು ವರ್ಷ,</p><img><p>ಇದೀಗ ದೇಶದಲ್ಲಿ 2016 ಟ್ರೆಂಡ್ ಜೋರಾಗಿಯೇ ನಡೆಯುತ್ತಿದೆ. ಈ ಟ್ರೆಂಡ್ ನಲ್ಲಿ ರಾಧಿಕಾ ಪಂಡಿತ್ ಕೂಡ ತಮ್ಮ 2016ರ ಮಧುರ ನೆನಪುಗಳನ್ನು ಹಂಚಿಕೊಂಡಿದ್ದಾರೆ. 2016 ಅವರಿಗೆ ಎಷ್ಟು ದೊಡ್ಡ ಮೈಲುಗಲ್ಲಾಗಿತ್ತು ಅನ್ನೋದನ್ನು ತಿಳಿಸಿದ್ದಾರೆ. ಇಲ್ಲಿದೆ ನೋಡಿ ರಾಧಿಕಾ ಪಂಡಿತ್ ಅವರ 2016ರ ಜರ್ನಿ.</p><img><p>2016 : ನಿಜಕ್ಕೂ ನನ್ನ ಜೀವನದ ಮರೆಯಲಾಗದ ವರ್ಷಗಳಲ್ಲಿ ಒಂದು – ಮೈಲಿಗಲ್ಲುಗಳು, ಪ್ರೀತಿ ಮತ್ತು ಕೃತಜ್ಞತೆಯಿಂದ ತುಂಬಿದಂತಹ ವರ್ಷ ಎಂದು ಬರೆದುಕೊಂಡಿದ್ದಾರೆ. ಈ ವರ್ಷ ಯಶ್ ಜೊತೆಗೆ ಸಂತೂ ಸ್ಟ್ರೈಟ್ ಫಾರ್ವರ್ಡ್, ಗಣೇಶ್ ಜೊತೆ ಜೂಮ್, ಪುನೀತ್ ರಾಜಕುಮಾರ್ ದೊಡ್ಮನೆ ಹುಡುಗ ಸಿನಿಮಾದಲ್ಲಿ ನಟಿಸಿದ್ದರು. ಇವು ಹೃದಯಕ್ಕೆ ಹತ್ತಿರವಾದ ಕಥೆಗಳು ಎಂದು ಸಹ ಹೇಳಿದ್ದಾರೆ.</p><img><p>ಈ ವರ್ಷ ರಾಧಿಕಾ ಪಂಡಿತ್ ಅವರು ಮೂರು ಬ್ಯಾಕ್ ಟು ಬ್ಯಾಕ್ ಬ್ಲಾಕ್ ಬಸ್ಟರ್ ಸಿನಿಮಾ ನೀಡುವ ಮೂಲಕ ಸ್ಟಾರ್ ನಟಿಯಾಗಿದ್ದರಿಂದ ಅವರ ಹುಟ್ಟುಹಬ್ಬವನ್ನು ಸಹ ಅಭಿಮಾನಿಗಳು ಅದ್ಧೂರಿಯಾಗಿ ಆಚರಿಸಿದ್ದರು. ನಟಿ ಅಭಿಮಾನಿಗಳ ಜೊತೆಗೆ ಕೇಕ್ ಕತ್ತರಿಸಿ ಸಂಭ್ರಮಿಸಿದ ಫೋಟೊಗಳನ್ನು ಶೇರ್ ಮಾಡಿದ್ದಾರೆ.</p><img><p>ಈ ವರ್ಷ ಮನ್ನಣೆ ಮತ್ತು ಅಂತ್ಯವಿಲ್ಲದ ಪ್ರಶಸ್ತಿ, ಸನ್ಮಾನಗಳಿಂದ ಗೌರವಿಸಲ್ಪಟ್ಟಿದ್ದೇನೆ ಎನ್ನುತ್ತಾ ನಟಿ, 2016 ರಲ್ಲಿ ಪಡೆದುಕೊಂಡಂತಹ ಪ್ರಶಸ್ತಿಗಳ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.</p><img><p>ತೆರೆಮರೆಯ ನಗು ಮತ್ತು ನೆನಪುಗಳನ್ನು ಸಹ ರಾಧಿಕಾ ಹಂಚಿಕೊಂಡಿದ್ದಾರೆ. ಇದರಲ್ಲಿ ಪುನೀತ್ ರಾಜ್ ಕುಮಾರ್, ಗಣೇಶ್, ಯಶ್ ಜೊತೆಗಿನ ಸಿನಿಮಾ ಶೂಟಿಂಗ್ ಫೋಟೊಗಳು ಸೇರಿವೆ.</p><img><p>ನಿಶ್ಚಿತಾರ್ಥದಿಂದ ಮದುವೆಯವರೆಗೆ.. ಸುಂದರವಾದ ಜೀವನ ಪ್ರಯಾಣದ ಆರಂಭ ಎಂದು ಬರೆದುಕೊಂಡಿರುವ ರಾಧಿಕಾ ಪಂಡಿತ್ ನಿಶ್ಚಿತಾರ್ಥ ಮತ್ತು ಮದುವೆಯ ಸುಂದರ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.</p><img><p>2007ರಲ್ಲಿ ನಂದಗೋಕುಲ ಧಾರಾವಾಹಿಯಲ್ಲಿ ಶುರುವಾದ ಇವರಿಬ್ಬರ ಪರಿಚಯ, ಜೊತೆಯಾಗಿ ಸಿನಿಮಾ ಮಾಡಿದ ಬಳಿಕ ಪ್ರೀತಿಯಲ್ಲಿ ಬಿದ್ದರು. ಹಲವು ವರ್ಷಗಳ ಕಾಲ ತಮ್ಮ ಪ್ರೀತಿಯನ್ನು ಪ್ರೈವೆಟ್ ಆಗಿಟ್ಟಿದ್ದರು. 2016ರ ಆಗಸ್ಟ್ ನಲ್ಲಿ ನಿಶ್ಚಿತಾರ್ಥ, ಡಿಸೆಂಬರ್ ನಲ್ಲಿ ಈ ಜೋಡಿ ಮದುವೆಯಾಗಿತ್ತು. ಈ ಜೋಡಿಗೆ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.</p><img><p>ಪ್ರಯಾಣ: ಯಶ್ ಜೊತೆ ಜಗತ್ತನ್ನು ಎಕ್ಸ್ ಪ್ಲೋರ್ ಮಾಡುವುದು ಮತ್ತು ಜೀವಮಾನದ ನೆನಪುಗಳನ್ನು ಸಂಗ್ರಹಿಸುವುದು ಎನ್ನುತ್ತಾ, ಯಶ್ ಜೊತೆ ದೇಶ-ವಿದೇಶ ಸುತ್ತಿದಂತಹ ಫೋಟೊಗಳನ್ನು ರಾಧಿಕಾ ಹಂಚಿಕೊಂಡಿದ್ದಾರೆ.</p><img><p>2016 ರ ವರ್ಷ ರಾಧಿಕಾ ಪಂಡಿತ್ ಪಾಲಿಗೆ ಅತ್ಯಂತ ಸ್ಪೆಷಲ್ ವರ್ಷ ಯಾಕಾಗಿತ್ತು ಅಂದ್ರೆ, ಈ ವರ್ಷದ ಅಂತ್ಯದಲ್ಲಿ ರಾಧಿಕಾ ‘ವರ್ಷದ ನಟಿ’ಯಾಗಿ ಗುರುತಿಸಿಕೊಂಡು, ಚಂದನವನದ ನಂಬರ್ 1 ನಟಿಯಾಗಿ ಮಿಂಚಿದ್ದರು.</p>



Source link