ಇರೋ ಒಂದು ಹೃದಯನ್ನ ಎಷ್ಟೂ ಅಂತ ಗೆಲ್ತಿಯಾ: Rakshita Shetty ಹುಟ್ಟುಹಬ್ಬದ ವಿಡಿಯೋಗೆ ಫ್ಯಾನ್ಸ್​ ಭಾವುಕ

<p>ಬಿಗ್​ಬಾಸ್​ ಖ್ಯಾತಿಯ ರಕ್ಷಿತಾ ಶೆಟ್ಟಿ ತಮ್ಮ ಹುಟ್ಟುಹಬ್ಬವನ್ನು ಐಷಾರಾಮಿ ಪಾರ್ಟಿಗಳ ಬದಲು ವಿಭಿನ್ನವಾಗಿ ಆಚರಿಸಿಕೊಂಡಿದ್ದಾರೆ. ಉಡುಪಿಯ ಸಾಲಿಗ್ರಾಮದಲ್ಲಿರುವ ‘ಹೊಸಬದುಕು’ ವೃದ್ಧಾಶ್ರಮಕ್ಕೆ ಭೇಟಿ ನೀಡಿ, ಅಲ್ಲಿನ ನಿವಾಸಿಗಳೊಂದಿಗೆ ದಿನ ಕಳೆದು, ಊಟ ಬಡಿಸಿ, ಅವರ ನೋವು-ನಲಿವಿನಲ್ಲಿ ಭಾಗಿಯಾಗಿದ್ದಾರೆ.</p><img><p>ಹುಟ್ಟುಹಬ್ಬ ಬಂದರೆ ಸಾಕು, ಸಿನಿಮಾ ನಟ-ನಟಿಯರು, ರಾಜಕಾರಣಿಗಳು ಸೇರಿದಂತೆ ಸಾಮಾನ್ಯ ಜನರು ಕೂಡ ಸ್ಟಾರ್​ ಹೋಟೆಲ್​ಗಳನ್ನೋ, ಇಲ್ಲಾ ಯಾವುದೋ ಐಷಾರಾಮಿ ಹೋಟೆಲ್​, ಮಂಟಪಗಳನ್ನೋ ಬುಕ್​ ಮಾಡಿ, ವಿದೇಶಿಗರ ಸಂಪ್ರದಾಯದಂತೆ ಮೇಣದಬತ್ತಿಯನ್ನು ಆರಿಸಿ, ಕೇಕ್​ ಕಟ್​ ಮಾಡಿ ಭರ್ಜರಿ ಸೆಲಬ್ರೇಷನ್​ ಮಾಡುತ್ತಾರೆ. ಅಲ್ಲಿ ಐಷಾರಾಮಿ ಊಟಕ್ಕೆ ವ್ಯವಸ್ಥೆ, ಇನ್ನು ಕೆಲವರು ಒಂದು ಹೆಜ್ಜೆ ಮುಂದಕ್ಕೆ ಹೋಗಿ ಡ್ರಿಂಕ್ಸ್ ಪಾರ್ಟಿ ಅದೂ ಇದೂ ಎಂದೆಲ್ಲಾ ಅರೇಂಜ್​ ಮಾಡುವುದು ಇದೆ. ಅವರು ಬಿಟ್ಟರೂ ಅವರ ಅಭಿಮಾನಿಗಳು ಬಿಡಲ್ಲ. ಭರ್ಜರಿಯಾಗಿ ಪಾರ್ಟಿ ಅರೆಂಜ್​ ಮಾಡುವುದು ಕಾಮನ್​.</p><img><p>ಆದರೆ ಇವರೆಲ್ಲರನ್ನೂ ಮೀರಿ ಬಿಗ್​ಬಾಸ್​​ ರಕ್ಷಿತಾ ಶೆಟ್ಟಿ (Bigg Boss Rakshita Shetty) ಕನ್ನಡಿಗರ ಮನ ಗೆದ್ದಿದ್ದಾರೆ. ಸೆಲೆಬ್ರಿಟಿಗಳಿಗೆ ಮಾದರಿಯಾಗಿದ್ದಾರೆ. ಹುಟ್ಟುಹಬ್ಬ ಎಂದರೆ, ಐಷಾರಾಮಿ ಹೋಟೆಲ್​ಗಳಲ್ಲಿ ಭರ್ಜರಿ ಪಾರ್ಟಿ ಮಾಡಿ ಕೇಕ್​ ಕಟ್​ ಮಾಡುವುದಲ್ಲ, ಬದಲಿಗೆ ಹೇಗೆ ಅದನ್ನು ಆಚರಿಸಿಕೊಳ್ಳಬೇಕು ಎನ್ನುವುದನ್ನು ತೋರಿಸಿಕೊಟ್ಟಿದ್ದಾರೆ ರಕ್ಷಿತಾ ಶೆಟ್ಟಿ.</p><img><p>ಅಷ್ಟಕ್ಕೂ ಮೊನ್ನೆ ರಕ್ಷಿತಾ ಅವರು ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು. ಅವರ ಅಭಿಮಾನಿಗಳು ಪ್ರತ್ಯೇಕವಾಗಿ ಅವರಿಗೆ ವಿವಿಧ ರೀತಿಯಲ್ಲಿ ಹುಟ್ಟುಹಬ್ಬ ಆಚರಿಸಿದರೂ, ಕೊನೆಗೆ, ರಕ್ಷಿತಾ ಶೆಟ್ಟಿ ಈ ವಿಶೇಷ ದಿನವನ್ನು ಅನಾಥಾಶ್ರಮಕ್ಕೆ ಭೇಟಿ ನೀಡಿ ಆಚರಿಸಿಕೊಂಡಿದ್ದಾರೆ.</p><img><p>ಉಡುಪಿ ಜಿಲ್ಲೆಯ ಸಾಲಿಗ್ರಾಮದಲ್ಲಿರುವ ʻಹೊಸಬದುಕುʼವೃದ್ಧಾಶ್ರಮದಲ್ಲಿ ಇರುವ ನಿವಾಸಿಗಳೊಂದಿಗೆ ಇಡೀ ದಿನವನ್ನು ಕಳೆದಿದ್ದಾರೆ ಮಂಗಳೂರು ಪುಟ್ಟಿ. ಆಶ್ರಮದ ಪ್ರತಿಯೊಬ್ಬ ನಿವಾಸಿಗೂ ಅಂದಿನ ವಿಶೇಷ ಊಟದ ವ್ಯವಸ್ಥೆಯನ್ನು ಖುದ್ದಾಗಿ ಮಾಡಿಸಿದ್ದಾರೆ.</p><img><p>ಅಷ್ಟೇ ಅಲ್ಲದೇ ಆಶ್ರಮದ ನಿವಾಸಿಗಳ ಜೊತೆಗೂಡಿ ಡ್ಯಾನ್ಸ್ ಮಾಡಿ ಎಲ್ಲರನ್ನೂ ಖುಷಿಪಡಿಸಿದ್ದಾರೆ. ವೃದ್ಧರು ರಕ್ಷಿತಾ ಜೊತೆ ಡಾನ್ಸ್​ ಮಾಡುತ್ತಾ ತಮ್ಮ ದುಃಖವನ್ನು ಮರೆದಿದ್ದಾರೆ. ಜೊತೆಗೆ ರಕ್ಷಿತಾ ಪ್ರತಿಯೊಬ್ಬರ ಜೊತೆ ಮಾತನಾಡಿ ಅವರ ನೋವುಗಳಲ್ಲಿ ಭಾಗಿಯಾಗಿದ್ದಾರೆ.</p><img><p>ಇದರ ವಿಡಿಯೋಗಳು ವೈರಲ್ ಆಗುತ್ತಿವೆ. ಅದೆಷ್ಟು ಅಂತ ಮನಸ್ಸನ್ನು ಗೆಲ್ಲುತ್ತಿಯಾ ಎಂದು ಪ್ರಶ್ನಿಸುತ್ತಿದ್ದಾರೆ ರಕ್ಷಿತಾ. ಈಕೆ ಪ್ರತಿಯೊಬ್ಬರಿಗೂ ಮಾದರಿ. ನಿಮ್ಮ ಹುಟ್ಟುಹಬ್ಬವನ್ನು ಹೀಗೆ ಆಚರಿಸಿಕೊಂಡರೆ, ಅದಕ್ಕಿಂತ ಬೇರೆ ಸಂತೋಷ ಮತ್ತೊಂದಿಲ್ಲ ಎನ್ನುತ್ತಿದ್ದಾರೆ ಅಭಿಮಾನಿಗಳು</p>



Source link