ಭಾರತವು ಸಂಸ್ಕೃತಿ ಮತ್ತು ವಿಶಿಷ್ಟ ದೇವಾಲಯಗಳು ತವರೂರು. ಸಾಮಾನ್ಯವಾಗಿ ನಾವು ಆಂಜನೇಯನನ್ನು ಬ್ರಹ್ಮಚಾರಿ, ಶಕ್ತಿಶಾಲಿ ಪುರುಷ ರೂಪದಲ್ಲಿ ಪೂಜಿಸುವುದನ್ನು ಕಂಡಿದ್ದೇವೆ. ಆದರೆ, ಛತ್ತೀಸ್ಗದ್ದದ ಬಿಲಾಸ್ಪುರ ಜಿಲ್ಲೆಯ ರತನ್ಪುರ ಎಂಬಲ್ಲಿ ಹನುಮಂತನನ್ನನ್ನು ‘ಸ್ತ್ರೀ’ ಅವತಾರದಲ್ಲಿ ಆರಾಧಿಸಲು. ‘ಗಿರ್ಜಬಂದ್ ಹನುಮಾನ್ ದೇವಾಲಯ’ ಎಂದು ಕರೆಯಲ್ಪಡುವ ಈ ಪುಣ್ಯಕ್ಷೇತ್ರವು ಹನುಮನನ್ನು ಸ್ತ್ರೀ ರೂಪದಲ್ಲಿ ಪೂಜಿಸುವ ವಿಶ್ವದ ಏಕೈಕ ಸ್ಥಳ ಎಂಬ ಹೆಗ್ಗಳಿಕೆ ಪಾತ್ರವಾಗಿದೆ.
ಇಲ್ಲಿರುವ ವಿಗ್ರಹವು ಅತ್ಯಂತ ವಿಶಿಷ್ಟವಾಗಿದೆ, ಸ್ತ್ರೀ ಮುಖ ಮತ್ತು ದೇಹವನ್ನು ಹೊಂದಿದೆ. ಪೂರ್ವಕ್ಕೆ ಮುಖ ಮಾಡಿರುವ ಈ ವಿಗ್ರಹವು ಶ್ರೀರಾಮ ಮತ್ತು ಲಕ್ಷ್ಮಣರನ್ನು ತನ್ನ ಹೆಗಲ ಮೇಲೆ ಹೊತ್ತುಕೊಂಡಿರುವಂತೆ ಕೆತ್ತಲಾಗಿದೆ. ಅಷ್ಟೇ ಅಲ್ಲದೆ, ಹನುಮಂತನ ಪಾದಗಳ ಕೆಳಗೆ ಇಬ್ಬರು ರಾಕ್ಷಸರನ್ನು ನಿಗ್ರಹಿಸಿರುವ ದೃಶ್ಯವೂ ಇಲ್ಲಿದೆ. ಈ ಅಪರೂಪದ ವಿಗ್ರಹದ ಹಿಂದೆ ನೂರಾರು ವರ್ಷಗಳ ಇತಿಹಾಸವಿದ್ದು, ರತನ್ಪುರದ ರಾಜ ಪೃಥ್ವಿ ದೇವ್ಜು ಈ ದೇವಾಲಯವನ್ನು ನಿರ್ಮಿಸಿದನೆಂದು ಇತಿಹಾಸ ಹೇಳುತ್ತದೆ.
ದೇವಾಲಯದ ಉಗಮದ ಹಿಂದಿದೆ ಒಂದು ರೋಚಕ ದಂತಕಥೆ:
ಸ್ಥಳೀಯ ನಂಬಿಕೆಗಳ ಪ್ರಕಾರ, ರಾಜ ಪೃಥ್ವಿ ದೇವ್ಜು ತೀವ್ರವಾದ ಕಾಯಿಲೆಯಿಂದ ಬಳಲುತ್ತಿದ್ದಾಗ, ಹನುಮಂತನು ಅವನ ಕನಸಿನಲ್ಲಿ ಕಾಣಿಸಿಕೊಂಡನು ಈ ವಿಶಿಷ್ಟ ರೂಪವನ್ನು ದರ್ಶನ ನೀಡಿದನಂತೆ. ಜೊತೆಗೆ, ಹತ್ತಿರದ ಕೊಳದ ಕೆಳಭಾಗದಲ್ಲಿ ತನ್ನ ವಿಗ್ರಹವು ಲಭ್ಯವಿದ್ದು, ಅದನ್ನು ತಂದು ದೇವಾಲಯ ನಿರ್ಮಿಸುವಂತೆ ಸೂಚಿಸಿದನಂತೆ. ರಾಜನು ಕೊಳವನ್ನು ಅಗೆಸಿದಾಗ ಅದರಲ್ಲಿ ಸ್ತ್ರೀ ರೂಪದ ಈ ಅದ್ಭುತ ವಿಗ್ರಹವು ದೊರೆಯಿತು. ಈ ವಿಗ್ರಹವನ್ನು ಪ್ರತಿಷ್ಠಾಪಿಸಿ ಪೂಜೆ ಆರಂಭಿಸಿದ ನಂತರ ರಾಜನು ಪೂರ್ಣವಾಗಿ ಗುಣಮುಖನಾದನು ಎಂಬುದು ಭಕ್ತರ ಅಚಲ ನಂಬಿಕೆ.
ಇದನ್ನೂ ಓದಿ: ಮುಯ್ಯಿ ರೂಪದಲ್ಲಿ ಕೊಡುವ ಹಣಕ್ಕೆ 1ರೂ. ಸೇರಿಸಬೇಕು ಯಾಕೆ ಗೊತ್ತಾ?
ಈ ದೇವಾಲಯಕ್ಕೆ ದೇಶದ ಮೂಲೆ ಮೂಲೆಗಳಿಂದ ಸಾವಿರಾರು ಭಕ್ತರು ಆಗಮಿಸುತ್ತಾರೆ. ಇಲ್ಲಿನ ಹನುಮಂತನ ದರ್ಶನ ಪಡೆದರೆ ಸಂತಾನ ಪ್ರಾಪ್ತಿಯಾಗುತ್ತದೆ ಮತ್ತು ಮನದ ಇಷ್ಟಾರ್ಥಗಳು ಇರುತ್ತವೆ ಎಂಬ ನಂಬಿಕೆಯಿದೆ. ಆಧ್ಯಾತ್ಮಿಕ ಶಕ್ತಿಯ ಜೊತೆಗೆ, ಈ ವಿಗ್ರಹದ ಕಲಾತ್ಮಕತೆ ಮತ್ತು ಐತಿಹಾಸಿಕ ಹಿನ್ನೆಲೆಯು ಬೆರಗುಗೊಳಿಸುತ್ತದೆ. ಭಕ್ತಿ ಮತ್ತು ಕುತೂಹಲದ ಸಂಗಮವಾಗಿರುವ ಈ ಗಿರ್ಜಬಂದ್ ಹನುಮಾನ್ ದೇವಾಲಯವು ಭಾರತದ ಅಪರೂಪದ ಧಾರ್ಮಿಕ ಪರಂಪರೆಗೆ ಸಾಕ್ಷಿಯಾಗಿದೆ.
ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
