<p>ಬೆಂಗಳೂರು: ಎಬಿ ಡಿವಿಲಿಯರ್ಸ್ ಯಾರಿಗೆ ಗೊತ್ತಿಲ್ಲ ಹೇಳಿ? ಆಧುನಿಕ ಕ್ರಿಕೆಟ್ನ ಸೂಪರ್ ಸ್ಟಾರ್ ಬ್ಯಾಟರ್, ಆರ್ಸಿಬಿ ಪಾಲಿನ ಆಪತ್ಬಾಂದವ ಎಂದೇ ಕರೆಸಿಕೊಳ್ಳುವ ಎಬಿಡಿ, Q&A ಕಾರ್ಯಕ್ರಮವೊಂದರಲ್ಲಿ ಮನಬಿಚ್ಚಿ ಮಾತನಾಡಿದ್ದಾರೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ.</p><img><p>2018ರಲ್ಲಿ ದಿಢೀರ್ ಎನ್ನುವಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಘೋಷಿಸಿದ್ದ ಎಬಿ ಡಿವಿಲಿಯರ್ಸ್ ಕೆಲ ಕಾಲ ಜಗತ್ತಿನ ನಾನಾ ಟಿ20 ಲೀಗ್ನಲ್ಲಿ ಸ್ಪೋಟಕ ಕ್ರಿಕೆಟ್ ಆಡುವ ಮೂಲಕ ಅಭಿಮಾನಿಗಳನ್ನು ರಂಜಿಸಿದ್ದರು.</p><img><p>2011ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕೂಡಿಕೊಂಡ ಎಬಿ ಡಿವಿಲಿಯರ್ಸ್, 2011ರವರೆಗೂ ತಂಡದ ಅವಿಭಾಜ್ಯ ಅಂಗವಾಗಿ ಗುರುತಿಸಿಕೊಂಡಿದ್ದರು. ಎಬಿಡಿ ಏಕಾಂಗಿಯಾಗಿ ಆರ್ಸಿಬಿ ತಂಡಕ್ಕೆ ಅವಿಸ್ಮರಣೀಯ ಗೆಲುವು ತಂದುಕೊಟ್ಟಿದ್ದಾರೆ.</p><img><p>ಇದೇ ಕಾರಣಕ್ಕೆ ಎಬಿ ಡಿವಿಲಿಯರ್ಸ್ಗೆ ಭಾರತದಲ್ಲೂ ಲಕ್ಷಾಂತರ ಅಭಿಮಾನಿಗಳಿದ್ದಾರೆ. ಇದೀಗ ಎಬಿಡಿ ಪ್ರಶ್ನೋತ್ತರ ಕಾರ್ಯಕ್ರಮದಲ್ಲಿ ಹಲವು ಇಂಟ್ರೆಸ್ಟಿಂಗ್ ವಿಚಾರಗಳ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದಾರೆ.</p><img><p>ನಿಮ್ಮ ಮೊಬೈಲ್ ಫೋನ್ನಲ್ಲಿರುವ ಅತ್ಯಂತ ಪ್ರಖ್ಯಾತ ವ್ಯಕ್ತಿಯ ಫೋನ್ ನಂಬರ್ ಯಾರದ್ದು ಎನ್ನುವ ಪ್ರಶ್ನೆಗೆ ಎಬಿಡಿ, ವಿರಾಟ್ ಕೊಹ್ಲಿಯದ್ದು ಎಂದು ಉತ್ತರಿಸಿದ್ದಾರೆ.</p><img><p>ಮೊಬೈಲ್ನಲ್ಲಿ ನೀವು ಅತಿಹೆಚ್ಚು ಬಳಸುವ ಆ್ಯಪ್ ಯಾವುದು ಎನ್ನುವ ಪ್ರಶ್ನೆಗೆ ಎಬಿಡಿ, ವಾಟ್ಸ್ ಆ್ಯಪ್ ಎನ್ನುವ ಉತ್ತರ ನೀಡಿದ್ದಾರೆ</p><img><p>ನೀವು ಭಾರತಕ್ಕೆ ಬಂದಿಳಿಯುತ್ತಿದ್ದಂತೆಯೇ ನೀವು ಗೂಗಲ್ನಲ್ಲಿ ಹುಡುಕುವುದೇನು ಎನ್ನುವ ಪ್ರಶ್ನೆಗೆ, ಎಲ್ಲಿ ಹತ್ತಿರದಲ್ಲಿ ಒಳ್ಳೆಯ ಚಿಕನ್ ಟಿಕ್ಕಾ ಸಿಗುತ್ತೆ ಎನ್ನುವುದನ್ನು ಹುಡುಕುತ್ತೇನೆ ಎಂದಿದ್ದಾರೆ.</p><img><p>ಇನ್ನು ಅಕಸ್ಮಾನ್ ನೀವು ಬೆಳಗ್ಗೆ ಏಳುವಾಗ ವಿರಾಟ್ ಕೊಹ್ಲಿಯಾಗಿ ಬದಲಾಗಿದ್ದರೇ ಮೊದಲು ನೀವು ಮಾಡುವ ಕೆಲಸ ಏನು ಎನ್ನುವ ಪ್ರಶ್ನೆಗೆ ಎಬಿಡಿ, ಮಿಸ್ಟರ್ 360ಗೆ ಕಾಲ್ ಮಾಡ್ತೇನೆ ಎಂದಿದ್ದಾರೆ.</p><img><p>ಮಿಸ್ಟರ್ 360 ಎನ್ನುವುದು ಎಬಿ ಡಿವಿಲಿಯರ್ಸ್ಗೆ ಇರುವ ನಿಕ್ ನೇಮ್ ಆಗಿದೆ. ಇನ್ನು ವಿರಾಟ್ ಕೊಹ್ಲಿ- ಎಬಿ ಡಿವಿಲಿಯರ್ಸ್ ಗೆಳೆತನದ ಬಗ್ಗೆ ಪ್ರತ್ಯೇಕವಾಗಿ ಹೇಳಬೇಕಿಲ್ಲ ಅಲ್ವೇ?</p>
Source link
ಒಂದು ವೇಳೆ ವಿರಾಟ್ ಕೊಹ್ಲಿಯಾಗಿ ಬದಲಾದರೇ ಎಬಿ ಡಿವಿಲಿಯರ್ಸ್ ಮೊದಲು ಮಾಡುವ ಕೆಲಸ ಏನು?
