‘ಶ್ರೀ ರೇಣುಕಾ ಯಲ್ಲಮ್ಮ’ ಧಾರಾವಾಹಿಗೆ ರೇಣುಕೆಯಾಗಿ ಎಂಟ್ರಿ ಕೊಟ್ಟ ತೆಲುಗು ಕಿರುತೆರೆಯ ಸ್ಟಾರ್ ನಟಿ ಕನ್ನಡತಿ ವರ್ಷ

<p>ಸ್ಟಾರ್ ಸುವರ್ಣ ವಾಹಿನಿಯ ಜನಪ್ರಿಯ ಪೌರಾಣಿಕ ಧಾರಾವಾಹಿ ಶ್ರೀ ರೇಣುಕಾ ಯಲ್ಲಮ್ಮದಲ್ಲಿ ಇದೀಗ ಹೊಸ ಅಧ್ಯಾಯ ಆರಂಭವಾಗಿದ್ದು, ರೇಣುಕೆ ಮತ್ತು ಯಲ್ಲಮ್ಮನ ಪಾತ್ರಗಳು ಬದಲಾಗಿವೆ. ರೇಣುಕಾ ಪಾತ್ರದಲ್ಲಿ ಕನ್ನಡ ಮತ್ತು ತೆಲುಗು ಕಿರುತೆರೆಯ ಜನಪ್ರಿಯ ನಟಿ ವರ್ಷ ನಟಿಸುತ್ತಿದ್ದಾರೆ.</p><img><p>ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿ ಶ್ರೀ ರೇಣುಕಾ ಯಲ್ಲಮ್ಮ. ಈ ಪೌರಾಣಿಕ ಧಾರಾವಾಹಿ ಎರಡು ವರ್ಷಗಳಿಂದ ಪ್ರಸಾರವಾಗುತ್ತಿದ್ದು, ಕಥೆ ಹಾಗೂ ಪಾತ್ರದ ಮೂಲಕ ಜನ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.</p><img><p>ಶ್ರೀ ರೇಣುಕಾ ಯಲ್ಲಮ್ಮ ಧಾರಾವಾಹಿಯಲ್ಲಿ ಇದೀಗ ಮೂರನೇ ಪರ್ವ ಆರಂಭವಾಗಿದೆ. ಅಂದರೆ ಧಾರಾವಾಹಿಯಲ್ಲಿ ಮೂರು ಬಾರಿ ಪಾತ್ರಧಾರಿಗಳು ಬದಲಾಗಿದ್ದಾರೆ. ಬಾಲ್ಯ, ಯೌವ್ವನ ಹಾಗೂ ಈಗ ವಯಸ್ಸಿನಲ್ಲಿ ಮತ್ತೊಮ್ಮೆ ಪಾತ್ರ ಬದಲಾವಣೆ ಮಾಡಲಾಗಿದೆ.</p><img><p>ಕಳೆದ ಒಂದೂವರೆ ವರ್ಷದಿಂದ ರೇಣುಕಾ ಪಾತ್ರಕ್ಕೆ ನಟಿ ಮಹತಿ ವೈಷ್ಣವಿ ಜೀವ ತುಂಬಿದ್ದರು. ಮಹಾರಾಣಿಯಾಗಿ ಮೆರೆದು, ಜಮದಗ್ನಿಯನ್ನು ಪ್ರೀತಿಸಿ ಮದುವೆಯಾಗುವುದರಿಂದ ಹಿಡಿದು, ಗರ್ಭಿಣಿಯಾಗುವಲ್ಲಿಯವರೆಗೂ ಯೌವ್ವನ ರೇಣುಕೆ ಪಾತ್ರದಲ್ಲಿ ಮಹತಿ ನಟಿಸಿದ್ದರು.</p><img><p>ಇದೀಗ ಶ್ರೀ ರೇಣುಕಾ ಯಲ್ಲಮ್ಮ ಧಾರಾವಾಹಿಯಲ್ಲಿ ಹೊಸ ರೇಣುಕೆಯಾಗಿ ಕನ್ನಡ ಮತ್ತು ತೆಲುಗು ಕಿರುತೆರೆಯಲ್ಲಿ ಗುರುತಿಸಿಕೊಂಡ ನಟಿ ವರ್ಷಾ ಎಚ್.ಕೆ ನಟಿಸುತ್ತಿದ್ದಾರೆ. ಈಗಾಗಲೇ ಇವರು ನಟಿಸಿರುವ ಪ್ರೊಮೋ ಪ್ರಸಾರವಾಗಿದೆ.</p><img><p>ಈಕೆ ಕನ್ನಡತಿ, ಕನ್ನಡದ ಕಸ್ತೂರಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ‘ನಾಗಮಂಡಲ’, ಉದಯ ಟಿವಿಯ ‘ಕಸ್ತೂರಿನಿವಾಸ’ದ ಮೊದಲ ನಾಯಕಿ, ಹಾಗೂಕಲರ್ಸ್ ಸೂಪರ್ ನ ‘ರಾಜಾರಾಣಿ’ ಧಾರವಾಹಿಯಲ್ಲಿ ವರ್ಷ ನಟಿಸಿದ್ದರು. ತೆಲುಗಿನಲ್ಲೂ ಈಕೆ ಫೇಮಸ್.</p><img><p>ನಂತರ ತೆಲುಗು ಕಿರುತೆರೆಯಲ್ಲಿ ಜೀ ತೆಲುಗು ವಾಹಿನಿಯ ‘ಪ್ರೇಮ ಎಂಥಾ ಮಧುರo’ ಧಾರವಾಹಿಯ ಮೂಲಕ ಅತ್ಯಂತ ಜನಪ್ರಿಯತೆ ಗಳಿಸಿದ್ದರು. ಈಗ ವರ್ಷಗಳ ಬಳಿಕ ‘ಶ್ರೀ ರೇಣುಕಾ ಯಲ್ಲಮ್ಮ’ ಧಾರವಾಹಿಯ ರೇಣುಕೆಯಾಗಿ ಮತ್ತೆ ಕನ್ನಡಕ್ಕೆ ಕಮ್ ಬ್ಯಾಕ್ ಆಗುತ್ತಿದ್ದಾರೆ!</p><img><p>ವರ್ಷ ಎಚ್.ಕೆ. ಕಳೆದ ಐದು ವರ್ಷಗಳಿಗಿಂತ ಹೆಚ್ಚು ಕಾಲ್ ತೆಲುಗು ಕಿರುತೆರೆಯಲ್ಲಿ ನಟಿಸಿದ್ದು, ಬೆಸ್ಟ್ ಜೋಡಿ ಅವಾರ್ಡ್ ಕೂಡ ಪಡೆದಿದ್ದಾರೆ. ಅಂದ ಹಾಗೇ ಈ ನಟಿಗೆ ಈಗಾಗಲೆ ಮದುವೆಯಾಗಿದ್ದು, ಕಳೆದ ವರ್ಷ ಕೌಶಿಕ್ ರೆಡ್ಡಿ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಈ ವರ್ಷ ಜಮದಗ್ನಿಯ ಪತ್ನಿ ರೇಣುಕೆಯಾಗಿ ಕನ್ನಡ ಕಿರುತೆರೆಗೆ ಕಂ ಬ್ಯಾಕ್ ಮಾಡಿದ್ದಾರೆ.</p>



Source link