ಸದ್ಯ ಷೇರು ಮಾರುಕಟ್ಟೆ ಕಳೆದ ಒಂದು ವರ್ಷದಿಂದ ಅಲ್ಪ ಹಿನ್ನಡೆಯಲ್ಲಿದೆ. ಆದರೆ, ದೀರ್ಘಾವಧಿಯಲ್ಲಿ ಮಾರುಕಟ್ಟೆ ಬೆಳವಣಿಗೆ ಉತ್ತಮವಾಗಿದೆ. ಅದೇ ರೀತಿ, ಮ್ಯೂಚುವಲ್ ಫಂಡ್ಗಳೂ ಕೂಡ ದೀರ್ಘಾವಧಿಯಲ್ಲಿ ಸ್ಥಿರವಾಗಿ ರಿಟರ್ನ್ಸ್ ತರಬಲ್ಲುವು. ಕೆನರಾ ರೊಬೆಕೊ ಲಾರ್ಜ್ ಅಂಡ್ ಮಿಡ್ಕ್ಯಾಪ್ ಫಂಡ್ (ಕೆನರಾ ರೋಬೆಕೊ ಲಾರ್ಜ್ ಮತ್ತು ಮಿಡ್ ಕ್ಯಾಪ್ ಫಂಡ್) ಇದಕ್ಕೆ ಉತ್ತಮ ಉದಾಹರಣೆ. ಈ ಫಂಡ್ ಪ್ರಾರಂಭವಾಗಿ 21 ವರ್ಷ ಪೂರ್ಣವಾಗಿದೆ. 2005ರ ಮಾರ್ಚ್ 11ರಂದು ಶುರುವಾದ ಈ ಸ್ಕೀಮ್ ನಲ್ಲಿ ಈಗ ಇರುವ ಒಟ್ಟು ಹೂಡಿಕೆ ಹತ್ತಿರಹತ್ತಿರ 25,000 ಕೋಟಿ ರೂ. ಅತಿಹೆಚ್ಚು ಹೂಡಿಕೆದಾರರನ್ನು ಆಕರ್ಷಿಸಿದ ಫಂಡ್ಗಳಲ್ಲಿ ಇದೂ ಒಂದು.
ಕೆನರಾ ರೊಬೆಕೊ ಲಾರ್ಜ್ ಅಂಡ್ ಮಿಡ್ ಕ್ಯಾಪ್ ಫಂಡ್ ಈ 21 ವರ್ಷದ ಶೇರ್ 16.46 ಸಿಎಜಿಆರ್ನಲ್ಲಿ ಲಾಭ ತಂದಿದೆ. ಇದೇ ವೇಳೆ, ಈ ಪ್ರತಿನಿಧಿ ಬೆಂಚ್ಮಾರ್ಕ್ ಎನಿಸಿರುವ ನಿಫ್ಟಿ ಲಾರ್ಜ್ಮಿಡ್ಕ್ಯಾಪ್ 250 ಟಿಆರ್ಐಗೆ ಕಡಿಮೆ ರಿಟರ್ನ್ಸ್ ತಂದಿದೆ. ಆದರೆ, ಬಿಎಸ್ಐ ಸೆನ್ಸೆಕ್ಸ್ ಟಿಆರ್ಐ ಬೆಂಚ್ಮಾರ್ಕ್ ಶೇ. 14.04 ರಿಟರ್ಸ್ ಕೊಟ್ಟಿದೆ. ಇದಕ್ಕೆ ಹಿಡಿದ ಕೆನರಾ ರೊಬೆಕೊದ ಈ ಫಂಡ್ ಸಾಧನೆ ಉತ್ತಮವಾಗಿದೆ.
ಇದನ್ನೂ ಓದಿ: ಶೂನ್ಯದಿಂದ ಆಸ್ತಿ ಸಂಪಾದನೆ ಮಾಡುವುದು ಹೇಗೆ? ಇಲ್ಲಿದೆ ತಿಳಿದಿರಬೇಕಾದ ಸಂಗತಿಗಳು
21 ವರ್ಷದಿಂದ 10,000 ರೂ ಎಸ್ ಐಪಿ ಮಾಡಿದರೆ?
2005ರಲ್ಲಿ ಕೆನರಾ ರೊಬೆಕೊ ಲಾರ್ಜ್ ಮಿಡ್ ಕ್ಯಾಪ್ ಫಂಡ್ ಆರಂಭವಾದಾಗ ಅದರಲ್ಲಿ ನೀವು ಹೂಡಿಕೆ ಮಾಡಿದ್ದರೆ ಅದು 21 ವರ್ಷದ ಸುದೀರ್ಘ ಹೂಡಿಕೆಯಾಗಿರುತ್ತಿತ್ತು. ಒಂದು ವೇಳೆ ಅಂದು 10,000 ರೂ ಅಂದರೆ ದೀಪವಾಗಿ ಹೂಡಿಕೆ ಮಾಡಿದ್ದರೆ ಇವತ್ತು ಅದರ ಮೌಲ್ಯ ಎರಡೂವರೆ ಲಕ್ಷ ರೂ ಆಸುಪಾಸಿನಷ್ಟು ಇರುತ್ತಿತ್ತು.
ಒಂದು ವೇಳೆ ನೀವು 10,000 ರೂಗಳ ಮಾಸಿಕ ಎಸ್ಐಪಿ ಆರಂಭಿಸಿದ್ದರೆ, ಇವತ್ತು ನೀವು ಪಾವತಿಸಿದ ಹಣ ಸುಮಾರು 25 ಲಕ್ಷ ರೂ. ಆ ಹೂಡಿಕೆ ಮೌಲ್ಯ ಸುಮಾರು 2 ಕೋಟಿ ರೂ ಸಮೀಪ ಇರುತ್ತಿತ್ತು. ಇದು ಈ ಫಂಡ್ ಈವರೆಗೆ ಕೊಟ್ಟಿರುವ ಸರಾಸರಿ ರಿಟರ್ನ್ಸ್ ಆಧಾರದ ಮೇಲೆ ಮಾಡಿರುವ ಲೆಕ್ಕಾಚಾರ.
ಇದನ್ನೂ ಓದಿ: ಹೂಡಿಕೆಗೆ ಯಾವ ರೀತಿಯ ಮ್ಯೂಚುವಲ್ ಫಂಡ್ಗಳನ್ನು ಆಯ್ಕೆ ಮಾಡಿಕೊಳ್ಳಬೇಕು? ಗಮನಿಸಬೇಕಾದ ಅಂಶಗಳಿವು
ಹಣದ ಕಾಂಪೌಂಡಿಂಗ್ ಎಫೆಕ್ಟ್
ನೀವು ಕೆನರಾ ರೊಬೆಕೊ ಲಾರ್ಜ್ ಅಂಡ್ ಮಿಡ್ ಕ್ಯಾಪ್ ಫಂಡ್ನಲ್ಲಿ ಈ 21 ವರ್ಷ ಕಾಲ ಮಾಡಿಕೊಂಡು ಬಂದಿರುವ 10,000 ರೂಗಳ ಎಸ್ಐಪಿಯನ್ನು ಇನ್ನೂ 4 ವರ್ಷ ಮುಂದುವರಿಸಿದರೆ ಎರಡು ಕೋಟಿ ರೂ ಡಬಲ್ ಆಗಿ 4 ಕೋಟಿ ರೂ ದಾಟುತ್ತದೆ. ನಿಮ್ಮ ಹೂಡಿಕೆ ದೀರ್ಘಾವಧಿಯಾದಷ್ಟೂ ನಿಮಗೆ ಪ್ರತಿಫಲ ಭರ್ಜರಿಯಾಗಿಯೇ ಇರುತ್ತದೆ ಎನ್ನುವುದಕ್ಕೆ ಒಂದು ಉದಾಹರಣೆ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
