ಜನವರಿ 14: ಭಾರತವು ರಷ್ಯಾದಿಂದ ತೈಲ ಪಡೆಯುತ್ತಿದೆ (ರಷ್ಯನ್ ತೈಲ) ಡಿಸೆಂಬರ್ನಲ್ಲಿ ಗಣನೀಯವಾಗಿ ಕಡಿಮೆಯಾಗಿದೆ. ನವೆಂಬರ್ಗೆ ಇತ್ತೀಚಿನ ತೈಲ ಖರೀದಿಯಲ್ಲಿ ಶೇ. 29ರಷ್ಟು ಇಳಿಮುಖವಾಗಿದೆ. ಸೆಂಟರ್ ಫಾರ್ ರಿಸರ್ಚ್ ಆನ್ ಎನರ್ಜಿ ಅಂಡ್ ಕ್ಲೀನ್ ಏರ್ (ಸಿಆರ್ ಐಎ) ಸಂಸ್ಥೆಯ ಇತ್ತೀಚಿನ ವರದಿಯಲ್ಲಿ ಈ ಅಂಕಿಅಂಶಗಳಿವೆ. ತಿಂಗಳಿನಲ್ಲಿ ಭಾರತದ ಒಟ್ಟಾರೆ ಕಚ್ಛಾ ತೈಲ (ಕಚ್ಚಾ ತೈಲ) ಆಮದು ಹೆಚ್ಚಾದರೂ ರಷ್ಯಾದ ಡಿಸೆಂಬರ್ ತೈಲದಲ್ಲಿ ಕಡಿಮೆ ಆಗಿರುವುದು ಗಮನಾರ್ಹ.
ರಿಲಯನ್ಸ್ ಜಾಮ್ನಗರ ರಿಫೈನರಿಯು ಡಿಸೆಂಬರ್ ತಿಂಗಳಿನಲ್ಲಿ ರಷ್ಯಾದ ತೈಲ ಖರೀದಿಯಲ್ಲಿ ಶೇ. 49ರಷ್ಟು ಕಡಿಮೆಯಾಗಿದೆ. ಇತರ ಭಾರತೀಯ ರಿಫೈನರಿಗಳೂ ಕೂಡ ಆಮದು ತಗ್ಗಿಸಿವೆ. ಕೆಪ್ಲರ್ ವರದಿ ಪ್ರಕಾರ ನವೆಂಬರ್ನಲ್ಲಿ ಭಾರತೀಯ ರಿಫೈನರಿಗಳು 1.8 ಮಿಲಿಯನ್ ಬ್ಯಾರಲ್ನಷ್ಟು ಕಚ್ಛಾ ತೈಲವನ್ನು ರಷ್ಯಾದಿಂದ ಆಮದು ಮಾಡಿಕೊಂಡವು. ಈ ಡಿಸೆಂಬರ್ನಲ್ಲಿ 1.2 ಮಿಲಿಯನ್ ಬ್ಯಾರಲ್ಗೆ ಇಳಿಕೆಯಾಗಿದೆ.
ಇದನ್ನೂ ಓದಿ: ರಫ್ತು ಸಜ್ಜಿತ ರಾಜ್ಯಗಳ ಪಟ್ಟಿಯಲ್ಲಿ ಮಹಾರಾಷ್ಟ್ರ ನಂ. 1; ಕರ್ನಾಟಕದ ಸ್ಥಾನವೆಷ್ಟು?
ರಷ್ಯಾದ ತೈಲ ಖರೀದಿಯಲ್ಲಿ ಭಾರತವನ್ನು ಹಿಂದಿಕ್ಕಿದ ಟರ್ಕಿ
ರಷ್ಯಾದಿಂದ ಅತಿಹೆಚ್ಚು ಪಳೆಯುಳಿಕೆ ಇಂಧನ (ಪಳೆಯುಳಿಕೆ ಇಂಧನ) ಖರೀದಿಯಲ್ಲಿ ಚೀನಾ ನಂತರ ಭಾರತ ಇತ್ತು. ಇದೀಗ ಟರ್ಕಿ ದೇಶವು ಭಾರತವನ್ನು ಹಿಂದಿಕ್ಕಿ 2ನೇ ಸ್ಥಾನಕ್ಕೇರಿದೆ. ಸಿಆರ್ಐಎ ವರದಿ ಪ್ರಕಾರ ಭಾರತವು ರಷ್ಯಾದಿಂದ 24,150 ಕೋಟಿ ರೂ ಮೌಲ್ಯದ ಪಳೆಯುಳಿಕೆ ಇಂಧನವನ್ನು ಖರೀದಿಸಿದೆ.
ಇಲ್ಲಿ ಪಳೆಯುಳಿಕೆ ಇಂಧನ ಅಥವಾ ಫಾಸಿಲ್ ಫುಯೆಲ್ ಎಂದರೆ ಕಚ್ಛಾ ತೈಲ, ಕಲ್ಲಿದ್ದಲು ಒಳಗೊಳ್ಳುತ್ತವೆ. ರಷ್ಯಾದಿಂದ ಭಾರತ ಖರೀದಿಸಿರುವ ಪಳೆಯುಳಿಕೆ ಇಂಧನದಲ್ಲಿ ಶೇ 78ರಷ್ಟು ಕಚ್ಛಾ ತೈಲವೇ ಇದೆ. 18,900 ಕೋಟಿ ರೂ ಮೌಲ್ಯದ ತೈಲವನ್ನು ಭಾರತವು ರಷ್ಯಾದಿಂದ ಡಿಸೆಂಬರ್ನಲ್ಲಿ ಆಮದು ಮಾಡಿಕೊಂಡಿದೆ. ಕಲ್ಲಿದ್ದಲು 4,450 ಕೋಟಿ ರೂ, ತೈಲ ಉತ್ಪನ್ನಗಳು 860 ಕೋಟಿ ರೂ ಮೌಲ್ಯದಷ್ಟನ್ನು ಭಾರತ ಆಮದು ಮಾಡಿಕೊಂಡಿದೆ.
ಇದನ್ನೂ ಓದಿ: ಇನ್ನು 10-20 ವರ್ಷ ಮಾತ್ರ ಮನುಷ್ಯರು ಕೆಲಸ ಮಾಡಬೇಕಾಗಬಹುದು: ಇಲಾನ್ ಮಾಸ್ಕ್ ಹೀಗ್ಯಾಕಂದ್ರು ಗೊತ್ತಾ?
ರಷ್ಯಾದಿಂದ ರಫ್ತಾಗುವ ಒಟ್ಟೂ ಪಳೆಯುಳಿಕೆ ಇಂಧನದಲ್ಲಿ ಚೀನಾದ ಪಾಲು ಶೇ. 48ರಷ್ಟಿದೆ. 63,000 ಕೋಟಿ ರೂ ಮೌಲ್ಯದ ಆಮದು ಚೀನಾದಿಂದ ಆಗುತ್ತದೆ. ನಂತರದ ಸ್ಥಾನ ಟರ್ಕಿ ಮತ್ತು ಭಾರತದ್ದು. ಯೂರೋಪಿಯನ್ ಯೂನಿಯನ್ ಶೇ 11ರಷ್ಟು ಆಮದು ಮಾಡಿಕೊಳ್ಳುತ್ತದೆ. ರಷ್ಯಾದಿಂದ ಇಯು ಹೆಚ್ಚಾಗಿ ಎಲ್ಎನ್ಜಿ ಮತ್ತು ಪೈಪ್ಲೈನ್ ಗ್ಯಾಸ್ ಅನ್ನು ಅತಿಹೆಚ್ಚು ಖರೀದಿ ಮಾಡುತ್ತಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
