Bigg Bossಗೆ ಸಂಜನಾ ಬುರ್ಲಿ? ಅಪ್ಪ-ಅಮ್ಮಂಗೆ ಹೇಳ್ದೆ ಮದ್ವೆಯಾಗಿದ್ಯಾಕೆ? ಲೈವ್​ನಲ್ಲಿ ಬಂದು ನಟಿ ಹೇಳಿದ್ದೇನು?

<p>’ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿ ಖ್ಯಾತಿಯ ಸಂಜನಾ ಬುರ್ಲಿ ಇದೀಗ ‘ಶ್ರೀಗಂಧದ ಗುಡಿ’ ಎಂಬ ಹೊಸ ಸೀರಿಯಲ್‌ನಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. &nbsp;ಇನ್‌ಸ್ಟಾಗ್ರಾಮ್ ಲೈವ್‌ನಲ್ಲಿ ಕಾಣಿಸಿಕೊಂಡು, ಸೀರಿಯಲ್‌ನ ಕಥೆ ಮತ್ತು ಬಿಗ್ ಬಾಸ್ ಪ್ರವೇಶದ ಬಗ್ಗೆ ವೀಕ್ಷಕರ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.</p><img><p>ಪುಟ್ಟಕ್ಕನ ಮಕ್ಕಳು (Puttakkana Makkalu) ಸೀರಿಯಲ್​ನಲ್ಲಿ ಸ್ನೇಹಾ ಮಿಸ್​ ಪಾತ್ರದಿಂದ ಸಕತ್​ ಫೇಮಸ್​ ಆಗಿದ್ದವರು ನಟಿ ಸಂಜನಾ ಬುರ್ಲಿ. ಸೀರಿಯಲ್​ ರೋಚಕ ಟ್ವಿಸ್ಟ್​ ಪಡೆದು, ಈಕೆ ಎಲ್ಲ ಹೆಣ್ಣುಮಕ್ಕಳಿಗೆ ಮಾದರಿಯಾಗುತ್ತಾಳೆ ಎನ್ನುವಷ್ಟರಲ್ಲಿಯೇ ಉನ್ನತ ಶಿಕ್ಷಣದ ಕಾರಣ ಕೋಟ್ಟು ಸೀರಿಯಲ್​ ಬಿಟ್ಟುಬಿಟ್ಟರು. ಕೊನೆಗೆ ಸ್ನೇಹಾ ಪಾತ್ರವನ್ನೇ ಸಾಯಿಸಿದ ನಿರ್ದೇಶಕರು ಕಥೆಯನ್ನೇ ಬೇರೆ ರೂಪದಲ್ಲಿ ತೆಗೆದುಕೊಂಡು ಹೋದರು.</p><img><p>ಇಂತಿಪ್ಪ ನಟಿ ಸಂಜನಾ ಬುರ್ಲಿ (Sanjana Burli) ಇದೀಗ ಕಲರ್ಸ್​ ಕನ್ನಡ ವಾಹಿನಿಯ ಶ್ರೀಗಂಧದ ಗುಡಿ (Shreegandhada Gudi) ಸೀರಿಯಲ್​ನಲ್ಲಿ ನಾಯಕಿ ಚಂದನಾ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಿನ್ನೆ ಅಂದರೆ ಅಕ್ಟೋಬರ್​ 6ರಿಂದ ಈ ಸೀರಿಯಲ್​ ಶುರುವಾಗಿದೆ. ಇದೀಗ ದಿಢೀರ್​ ಎಂದು ಸಂಜನಾ ಅವರು ಇನ್​ಸ್ಟಾಗ್ರಾಮ್​ ಲೈವ್​ನಲ್ಲಿ ಕಾಣಿಸಿಕೊಂಡು ವೀಕ್ಷಕರ ಜೊತೆ ಮಾತನಾಡಿದ್ದಾರೆ. ಅವರು ಕೇಳಿರುವ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.</p><img><p>ಮೊದಲಿಗೆ ನಟಿಗೆ ಎದುರಾದ ಪ್ರಶ್ನೆ ನೀವ್ಯಾಕೆ ಬಿಗ್​ಬಾಸ್​ಗೆ ಹೋಗಿಲ್ಲ ಎನ್ನುವುದು. ಮುಂದಿನ ಸಲವಾದ್ರೂ ಹೋಗಿ ಎಂದು ಹೇಳಿದ್ದಾರೆ. ಆ ಪ್ರಶ್ನೆಗೆ ನಯವಾಗಿ ನುಣುಚಿಕೊಂಡು ಉತ್ತರ ಕೊಟ್ಟ ಸಂಜನಾ ಬುರ್ಲಿ ಅವರು ಶ್ರೀಗಂಧದ ಗುಡಿ ಸಾವಿರ ಎಪಿಸೋಡ್​ ಆದರೆ, ಮುಂದಿನ ಸಲ ಹೋಗುವುದೂ ಕಷ್ಟ ಎನ್ನುವ ಮೂಲಕ ಬಿಗ್​ಬಾಸ್​ಗೆ ಹೋಗಲ್ಲ ಎಂದು ಪರೋಕ್ಷವಾಗಿ ನುಡಿದಿದ್ದಾರೆ.</p><img><p>ಈ ವೇಳೆಗೆ ಅಪ್ಪ-ಅಮ್ಮನಿಗೆ ಹೇಳದೇ ನೀವು ಮದ್ವೆಯಾಗಿದ್ದು ಸರಿನಾ? ಅವರಿಗೆ ಹರ್ಟ್​ ಆಗಲ್ವಾ ಎನ್ನುವ ಪ್ರಶ್ನೆ ಎದುರಾಗಿದೆ. ಅಷ್ಟಕ್ಕೂ ಈ ಪ್ರಶ್ನೆ ಬಂದಿರುವುದು ಈ ಸೀರಿಯಲ್​ನ ನಾಯಕಿ ಚಂದನಾ ಪಾತ್ರಕ್ಕೆ. ಏಕೆಂದರೆ, ಇದಾಗಲೇ ತೋರಿಸುವ ಪ್ರೊಮೋದಲ್ಲಿ ಚಂದನಾ ಯಾರಿಗೂ ಹೇಳದೇ ಮದುವೆಯಾಗಿ ಬಂದಿದ್ದಾಳೆ. ಶಾಲಾ-ಕಾಲೇಜು ದಿನಗಳಿಂದ ಹಿಡಿದು ಕೊನೆಯವರೆಗೂ ಹೈಯೆಸ್ಟ್​ ಅಂಕ ಪಡೆದು, ವಿದೇಶದ ಕನಸು ಕಾಣುತ್ತಿದ್ದ ಹುಡುಗಿ, ಕೊನೆಗೆ ಯಾವುದೂ ಇಲ್ಲದೇ ತೀರಾ ಬಡವನ ಮನೆಗೆ ಬಂದಿದ್ದಾಳೆ.</p><img><p>ನಾಲ್ವರು ಅಣ್ಣ-ತಮ್ಮಂದಿರು, ಮುರಿದು ಹೋದ ಮನೆ, ಮನೆಯಲ್ಲಿ ಏನೂ ಸರಿಯಿಲ್ಲ, ಯಾವ ವಸ್ತು ಮುಟ್ಟಿದರೂ ಪಟ ಪಟ ಎಂದು ಉದುರುತ್ತೆ… ಇಂಥ ಮನೆಗೆ ಬಂದಿದ್ದಾಳೆ ಚಂದನಾ. ಶ್ರೀಮಂತ ಮನೆತನದಲ್ಲಿ ಹುಟ್ಟಿ ಯಾವುದಕ್ಕೂ ಕಡಿಮೆ ಇಲ್ಲ ಎಂದು ಬೆಳೆದಿರುವ ಹೆಣ್ಣುಮಗಳ ಸ್ಟೋರಿ ಇದು.</p><img><p>ಮುಂದೆ ಚಂದನಾ ಸ್ಥಿತಿ ಏನು? ಆ ಮನೆಯನ್ನು ಗಂಧದ ಗುಡಿ ಮಾಡ್ತಾಳಾ? ಹೀಗೆ ಮಾಡುವಲ್ಲಿ ಅವಳ ಸ್ಥಿತಿ ಏನಾಗುತ್ತದೆ ಎನ್ನುವ ಸ್ಟೋರಿ ಇದಾಗಿದೆ. ಈ ಬಗ್ಗೆ ನಟಿ ಸಂಜನಾ ಬುರ್ಲಿ ಮಾತನಾಡಿದ್ದು, ಸೀರಿಯಲ್​ ಅನ್ನು ವೀಕ್ಷಿಸಿ ಆಶೀರ್ವದಿಸುವಂತೆ ಕೋರಿಕೊಂಡಿದ್ದಾರೆ.</p><img><p>ಇದೇ ವೇಳೆ ತಮ್ಮ ಡ್ಯೂಟಿ ಟೈಮಿಂಗ್ಸ್​ ಬಗ್ಗೆಯೂ ವೀಕ್ಷಕರ ಪ್ರಶ್ನೆಗೆ ಉತ್ತರಿಸಿದ್ದಾರೆ. ಬೆಳಿಗ್ಗೆ 9 ರಿಂದ ರಾತ್ರಿ 9ರವರೆಗೆ ಷೆಡ್ಯೂಲ್​ ಇರುತ್ತದೆ. ಕೆಲವೊಮ್ಮೆ ಫುಲ್​ ಟೈಮ್​ ಇರುತ್ತದೆ. ಕೆಲವೊಮ್ಮೆ ಶೂಟಿಂಗ್​ ಬೇಗ ಮುಗಿದರೆ ಬೇಗನೇ ಹೋಗಬಹುದು ಎಂದು ಹೇಳಿರುವ ಅವರು ಸೀರಿಯಲ್​ಗಳಲ್ಲಿಯೂ ಹೇಗೆ ಇಡೀ ಟೀಮ್​ ಕಷ್ಟಪಟ್ಟು ದುಡಿಯುತ್ತದೆ ಎನ್ನುವ ಬಗ್ಗೆ ಮಾತನಾಡಿದ್ದಾರೆ.</p>



Source link