ಐಪಿಎಲ್ ಆರಂಭಕ್ಕೂ ಮೊದಲು ಮಹತ್ವದ ಬೆಳವಣಿಗೆ ನಡೆದಿದೆ. ರಾಜಸ್ಥಾನ ರಾಯಲ್ಸ್ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮಾರಾಟವಾಗಿದೆ. ಆರ್ಸಿಬಿ ತಂಡವನ್ನು ಆದಿತ್ಯ ಬಿರ್ಲಾ ಗ್ರೂಪ್ ಖರೀದಿಸಿದೆ, ರಾಜಸ್ಥಾನ ರಾಯಲ್ಸ್ ತಂಡವನ್ನು ಅಮೆರಿಕ ಮೂಲದ ಕಲ್ ಸೋಮಾನಿ ಒಕ್ಕೂಟ ಈ ಕಂಪನಿಯ ಶೇ. 100ರಷ್ಟು ಶೇರನ್ನು ಖರೀದಿ ಮಾಡಿದೆ. ಗೆ 1,290 ಕೋಟಿ ರೂಪಾಯಿ ಇದೆ. ಈ ಹಣದಲ್ಲಿ ಆಸ್ಟ್ರೇಲಿಯಾದ ಸ್ಪಿನ್ ಮಾಂತ್ರಿಕ ದಿವಂಗತ ಶೇನ್ ವಾರ್ನ್ ಕುಟುಂಬಕ್ಕೆ 450 ಕೋಟಿ ರೂಪಾಯಿ ಸಿಗಲಿದೆ.
2008ರಲ್ಲಿ ಶೇನ್ ವಾರ್ನ್ ಅವರು ರಾಜಸ್ಥಾನ ರಾಯಲ್ಸ್ ಪರ ಆಡಿದ್ದರು. ಅವರು ತಂಡದ ಕ್ಯಾಪ್ಟನ್ ಹಾಗೂ ಆಗಿದ್ದರು. ಆ ಬಾರಿ ಆರ್ ಆರ್ ತಂಡ ಗೆಲುವು ಕಂಡಿತು. ವಾರ್ನ್ ಅವರ ತಂಡವನ್ನು ಪ್ರತಿನಿಧಿಸಿದ್ದಕಾಗಿ ಪ್ರತಿ ವರ್ಷ ತಂಡ ಶೇ.0.75 ಶೇರನ್ನು ಪಡೆದಿದ್ದರು. ‘ನನ್ನ ಒಪ್ಪಂದದ ಭಾಗವಾಗಿ ನಾನು ತಂಡದ ನಾಯಕ, ಕೋಚ್ ಮತ್ತು ನಾನು ಬಯಸಿದ ರೀತಿಯಲ್ಲಿ ಕ್ರಿಕೆಟ್ ತಂಡವನ್ನು ಕೇಳಿದೆ. ನಾನು ಎಲ್ಲವೂ ಆಗಿದ್ದೆ’ ಎಂದು ಶೇನ್ ವಾರ್ನ್ ಹೇಳಿದ್ದರು.
ನಾಲ್ಕು ಆವೃತ್ತಿಗಳಲ್ಲಿ ರಾಯಲ್ಸ್ ಅನ್ನು ವಾರ್ನ್ ಪ್ರತಿನಿಧಿಸಿದರು, ಫ್ರಾಂಚೈಸಿಯ ಮಾಲೀಕತ್ವದಲ್ಲಿ ಅವರಿಗೆ ಶೇ.3 ಪಾಲು ನಿಡಲಾಗಿದೆ. ಅವರ ಪಾಲಿನ ಮೌಲ್ಯ ಸುಮಾರು $48 ಮಿಲಿಯನ್ (ರೂ. 450-460 ಕೋಟಿ) ಇದೆ. ಹೀಗಾಗಿ, ಕುಟುಂಬದವರಿಗೆ ತಂಡದ ಮಾರಾಟದಿಂದ ದೊಡ್ಡ ಮೊತ್ತ ಸಿಗುತ್ತಿದೆ. ಮುಂದಿನ ನಾಲ್ಕೈದು ದಿನಗಳಲ್ಲಿ ಈ ಡೀಲ್ ಕೊನೆಯಾಗಲಿದೆ.
ಇದನ್ನೂ ಓದಿ: ಆರ್ಸಿಬಿ ಹೆಸರು ಬದಲಾವಣೆ ಪಕ್ಕಾ? ಇಲ್ಲಿದೆ ಕಾರಣ
2022ರಲ್ಲಿ ಸ್ಪಿನ್ ದಿಗ್ಗಜ ಶೇನ್ ವಾರ್ನ್ ನಿಧನರಾದರು. ಅವರು ಮೂವರು ಮಕ್ಕಳನ್ನು ಅಗಲಿದ್ದರು. ಅವರಿಗೆ ಹೃದಯಾಘಾತವಾಗಿದೆ. ಅವರ ಸಾವಿನ ಸುತ್ತ ಸಾಕಷ್ಟು ಅನುಮಾನ ಕೂಡ ಮೂಡಿತ್ತು.
