ಒಂದು ಸಮಯದಲ್ಲಿ ಮಚ್ಚೆಗಳು, ಗಲ್ಲ ಅಥವಾ ತುಟಿಗಳ ಮೇಲಿದ್ದರೆ ಅದೇ ಫ್ಯಾಷನ್ ಆಗಿದೆ. ಈ ರೀತಿ ಹುಟ್ಟುತ್ತಾ, ಅಥವಾ ಬಾಲ್ಯದಲ್ಲಿ ದೇಹದ ವಿವಿಧ ಭಾಗಗಳಲ್ಲಿ ಮಚ್ಚೆಗಳು ಕಂಡು ಬರುವುದು ಬಹಳ ಸಾಮಾನ್ಯ. ಅದರಲ್ಲಿಯೂ ಕಾಲಾನಂತರದಲ್ಲಿ ಗಾತ್ರ ಮತ್ತು ಆಕಾರದಲ್ಲಿ ಇದು ಬದಲಾಗಬಹುದು. ಇನ್ನು ಇವು ನಿರುಪದ್ರವವಾಗಿದ್ದರೂ, ಮಚ್ಚೆಗಳು ಚರ್ಮದ ಕ್ಯಾನ್ಸರ್ ಗೆ (ಚರ್ಮದ ಕ್ಯಾನ್ಸರ್) ಕಾರಣ ಎಂದು ವೈದ್ಯರು ಹೇಳುತ್ತಾರೆ. ಸಾಮಾನ್ಯವಾಗಿ ಜನರ ದೇಹದ ಬೇರೆಲ್ಲ ಭಾಗವನ್ನು ವಿಶೇಷವಾಗಿ ಗಮನಹರಿಸಿದರೂ ಕೂಡ ಚರ್ಮದ ಬಗ್ಗೆ ಅದರಲ್ಲಿಯೂ ಮಚ್ಚೆಗಳ ಬಗ್ಗೆ ಅಷ್ಟಾಗಿ ತಲೆಕೆಡಿಸಿಕೊಳ್ಳುವುದಿಲ್ಲ. ಅದಕ್ಕಾಗಿಯೇ ಇತ್ತೀಚಿನ ದಿನಗಳಲ್ಲಿ ಚರ್ಮ ಸಂಬಂಧಿ ಕ್ಯಾನ್ಸರ್ ಪ್ರಕರಣಗಳು ಹೆಚ್ಚಾಗುತ್ತಿದೆ. ಅದಕ್ಕಾಗಿಯೇ ಪ್ರತಿಯೊಂದು ಕ್ಯಾನ್ಸರ್ ಗಳ ಬಗ್ಗೆ ತಿಳಿಸಲು ರಾಷ್ಟ್ರೀಯ ಕ್ಯಾನ್ಸರ್ ಜಾಗೃತಿ ದಿನವನ್ನು ಆಚರಣೆ ಮಾಡಲಾಗುತ್ತದೆ. ಆದರೆ ಇದು ಒಂದು ದಿನಕ್ಕೆ ಸೀಮಿತವಾಗಿರದೆ ಪ್ರತಿದಿನವೂ ಇವುಗಳ ಕುರಿತ ಮಾಹಿತಿ ಜನರಿಗೆ ತಲುಪಬೇಕು. ಅದರಲ್ಲಿಯೂ ಚರ್ಮದ ಕ್ಯಾನ್ಸರ್ ಕುರಿತು ಅರಿವಿನ ಕಾರ್ಯ ಹೆಚ್ಚೆಚ್ಚು ನಡೆಯುವುದು ಬಹಳ ಅನಿವಾರ್ಯವಾಗಿದೆ. ಆದ್ದರಿಂದ, ಮಚ್ಚೆಗಳು ಯಾವ ರೀತಿ ಕ್ಯಾನ್ಸರ್ ಅಪಾಯಕಾರಿಯಾದಾಗ, ಮಚ್ಚೆಗಳು ಮಾಡಿದರೂ ಕೂಡ ಯಾವ ಸಮಯದಲ್ಲಿ ವೈದ್ಯರ ಸಂಪರ್ಕವನ್ನು ಈ ಸ್ಟೋರಿ ಮೂಲಕ ತಿಳಿದುಕೊಳ್ಳಿ.
ಆಂಡ್ರೊಮಿಡಾ ಕ್ಯಾನ್ಸರ್ ಆಸ್ಪತ್ರೆಯ ಸರ್ಜಿಕಲ್ ಅಂಕೋಲಾಜಿಯ ಅಧ್ಯಕ್ಷ ಡಾ. ಅರುಣ್ ಕುಮಾರ್ ಗೋಯೆಲ್ ತಿಳಿಸಿರುವ ಮಾಹಿತಿ ಪ್ರಕಾರ, ನಿರುಪದ್ರವ ಚುಕ್ಕೆ ಅಥವಾ ಒರಟಾದ ತೇಪೆಯಂತೆ ಕಾಣುವ ಮಚ್ಚೆಗಳ ಬಗ್ಗೆ ಹೆಚ್ಚಿನ ಗಮನಹರಿಸಲಾಯಿತು. ಸಾಮಾನ್ಯ ಕೋಶಗಳು ಬದಲಾದಾಗ, ಆಗಾಗ ಅವುಗಳ ಡಿಎನ್ಎಗೆ ಹಾನಿಯಾಗುವ ಮೂಲಕ ಮತ್ತು ಅನಿಯಂತ್ರಿತವಾಗಿ ಬೆಳೆಯಲು ಪ್ರಾರಂಭಿಸಿದಾಗ ಚರ್ಮದ ಕ್ಯಾನ್ಸರ್ ಕಂಡುಬರುತ್ತದೆ. ಸಾಮಾನ್ಯವಾಗಿ ಎಲ್ಲರ ದೇಹದಲ್ಲಿಯೂ 10 ರಿಂದ 45 ಮಚ್ಚೆಗಳು ಇರುತ್ತವೆ. ವಿಶೇಷವಾಗಿ ಹದಿಹರೆಯದವರಲ್ಲಿ ಮತ್ತು ಮಹಿಳೆಯರಿಗೆ ಗರ್ಭಾವಸ್ಥೆಯ ಸಮಯದಲ್ಲಿ ಅವರು ಗರ್ಭಾವಸ್ಥೆಯಲ್ಲಿ ಮತ್ತು ದೊಡ್ಡದಾಗುತ್ತಾರೆ.
ಮಚ್ಚೆಯ ಬಗ್ಗೆ ಯಾವಾಗ ಆತಂಕ ಪಡಬೇಕು?
ಸಾಮಾನ್ಯವಾಗಿ, ದೇಹದಲ್ಲಿರುವ ಮಚ್ಚೆಯ ಗಾತ್ರ, ಆಕಾರ, ಬಣ್ಣದಲ್ಲಿ ಬದಲಾದರೆ ಅಥವಾ ಅದರಲ್ಲಿ ತುರಿಕೆ, ರಕ್ತಸ್ರಾವ ಅಥವಾ ಉರಿಯೂತ ಕಂಡುಬಂದರೆ ನಿರ್ಲಕ್ಷ್ಯ ಮಾಡದೆಯೇ ವೈದ್ಯರ ಬಳಿ ಹೋಗಬೇಕು. 6 ಮಿಮೀಗಿಂತ ಹೆಚ್ಚು ದೊಡ್ಡದಾದರೂ ಕೂಡ ವೈದ್ಯರ ಸಲಹೆ ಪಡೆಯಬೇಕು. ಇನ್ನು, ಯಾರ ದೇಹದಲ್ಲಿ 50ಕ್ಕಿಂತ ಹೆಚ್ಚು ಮಚ್ಚೆಗಳು ಇದ್ದಲ್ಲಿ ಇದು ಆರಂಭಿಕ ಮೆಲನೋಮಕ್ಕೆ ಅಪಾಯಕಾರಿ ಅಂಶವಾಗಿರಬಹುದು.
ಡಾ. ಗೋಯೆಲ್ ಚರ್ಮದ ಕ್ಯಾನ್ಸರ್ ಪ್ರಕಾರಗಳ ಬಗ್ಗೆ ಮಾಹಿತಿ ನೀಡಿದ್ದು, ಈ ರೀತಿಯ ಲಕ್ಷಣ ಕಂಡುಬಂದಾಗ ನಿರ್ಲಕ್ಷ್ಯ ಮಾಡಬಾರದು.
ಬೇಸಲ್ ಸೆಲ್ ಕಾರ್ಸಿನೋಮ (BCC): ಅತ್ಯಂತ ಸಾಮಾನ್ಯ ವಿಧ, ಉಬ್ಬು ಅಥವಾ ಗುಲಾಬಿ ಬಣ್ಣದ ತೇಪೆಯಾಗಿ ಕಾಣಿಸಿಕೊಳ್ಳುತ್ತದೆ.
ಸ್ಕ್ವಾಮಸ್ ಸೆಲ್ ಕಾರ್ಸಿನೋಮ (SCC): ಸಾಮಾನ್ಯವಾಗಿ ಕೆಂಪಾಗಿ ಉಬ್ಬಿದ ಹಾಗೆ ಅಥವಾ ಸಣ್ಣ ಹುಣ್ಣುಗಳ ರೀತಿ ಆಗುವುದು.
ಮೆಲನೋಮ: ಬಹಳ ಕಡಿಮೆ ಆದರೆ ಹೆಚ್ಚು ಅಪಾಯಕಾರಿ. ಇದು ಮೋಲ್ ನ ರೀತಿಯಲ್ಲಿ ಇದೆ.
ಈ ಕ್ಯಾನ್ಸರ್ಗಳಲ್ಲಿ ಹಲವು ಕ್ಯಾನ್ಸರ್ಗಳನ್ನು ಮೊದಲೇ ಕಂಡುಕೊಂಡರೆ ಸುಲಭವಾಗಿ ಚಿಕಿತ್ಸೆ ನೀಡಬಹುದು, ವಿಳಂಬ ಮಾಡಿದರೂ ಚಿಕಿತ್ಸೆ ಕಷ್ಟವಾಗುತ್ತದೆ. ಅದರಲ್ಲಿಯೂ ಮೆಲನೋಮ ಒಮ್ಮೆ ಹರಡಿದರೆ ಬಹಳ ಅಪಾಯಕಾರಿಯಾಗಬಹುದು.
ಇದನ್ನೂ ಓದಿ: ವೃದ್ಧಾಪ್ಯದಲ್ಲಿ ಚರ್ಮ ತೆಳ್ಳಗಾಗಲು ಕಾರಣವೇನು? ವೈದ್ಯರು ನೀಡಿದ ಮಾಹಿತಿ ಇಲ್ಲಿದೆ
ಈ ರೀತಿಯ ಅಪಾಯವನ್ನು ತಡೆಯಲು ಇಲ್ಲಿದೆ ಸಲಹೆ;
- ಯುವಿ ವಿಕಿರಣಕ್ಕೆ ಒಡ್ಡಿಕೊಳ್ಳುವುದನ್ನು ಕಡಿಮೆ ಮಾಡಿ. ಬೆಳಿಗ್ಗೆ 10 ರಿಂದ ಸಂಜೆ 4 ರವರೆಗೆ ಆದಷ್ಟು ನೆರಳಿನಲ್ಲಿರಿ. ಉದ್ದ ತೋಳುಗಳಿರುವ ಬಟ್ಟೆ, ಯುವಿ ವಿಕಿರಣಗಳನ್ನು ತಡೆಯುವ ಸನ್ಗ್ಲಾಸ್ ಧರಿಸಿ.
- ಪ್ರತಿದಿನ ಸನ್ಸ್ಕ್ರೀನ್ ಬಳಸಿ. SPF 30 ಅಥವಾ ಹೆಚ್ಚಿನದನ್ನು ಆಯ್ಕೆ ಮಾಡಿಕೊಳ್ಳಿ. ಪ್ರತಿ ಎರಡು ಗಂಟೆಗಳಿಗೊಮ್ಮೆ ಹಚ್ಚಿಕೊಳ್ಳುವುದನ್ನು ಗುರುತಿಸುವುದು.
- ನಿಮ್ಮ ಚರ್ಮವನ್ನು ಪರಿಶೀಲಿಸಿ. ನಿಮ್ಮ ನೆತ್ತಿ, ಬೆನ್ನು ಮತ್ತು ಕಾಲ್ಬೆರಳುಗಳ ನಡುವಿನ ಜಾಗಗಳ ಬಗ್ಗೆ ಗಮನವಿರಲಿ.
ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
