ಶ್ರೀಲೀಲಾ (Sreeleela), ಕನ್ನಡದ ನಟಿ ಆದರೆ ಈಗ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಕನ್ನಡ ಸಿನಿಮಾಗಳ ಮೂಲಕ ನಟನೆ ಆರಂಭಿಸಿದ ಶ್ರೀಲೀಲಾ, ಬಳಿಕ ತೆಲುಗು ಚಿತ್ರರಂಗಕ್ಕೆ ಹೋಗಿ ಅಲ್ಲಿ ಟಾಪ್ ನಟಿಯಾಗಿ ಮೆರೆದರು. ಇದೀಗ ತಮಿಳು ಮತ್ತು ಬಾಲಿವುಡ್ಗೆ ಸಹ ಕಾಲಿಟ್ಟಿದ್ದು, ಬಾಲಿವುಡ್ನಲ್ಲಂತೂ ಸಿನಿಮಾ ಬಿಡುಗಡೆ ಆಗುವ ಮುಂಚೆಯೇ ಸಾಲು-ಸಾಲು ಹೊಸ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ. ಅದ್ಭುತ ನಟಿ, ನೃತ್ಯಗಾರ್ತಿ ಆಗಿರುವ ಶ್ರೀಲೀಲಾ, ಮಾನವೀಯ ಹೃದಯವುಳ್ಳ ವ್ಯಕ್ತಿ ಸಹ. ಅದಕ್ಕೆ ಸಾಕ್ಷಿ, ಅವರು ದತ್ತು ಪಡೆದಿರುವ ಮೂವರು ಮಕ್ಕಳು.
ಶ್ರೀಲೀಲಾ ಕೆಲ ವರ್ಷಗಳ ಹಿಂದೆ ಇಬ್ಬರು ಮಕ್ಕಳನ್ನು ಪಡೆದಿದ್ದರು. ಕೆಲ ತಿಂಗಳ ಹಿಂದೆ ಮತ್ತೊಬ್ಬ ಬಾಲಕಿಯನ್ನು ಸಹ ದತ್ತು ಪಡೆದರು. ಈ ಬಗ್ಗೆ ಹೆಚ್ಚಾಗಿ ಶ್ರೀಲೀಲಾ ಮಾತನಾಡಿಲ್ಲ. ಅವರ ನಟನೆಯ ತಮಿಳು ಸಿನಿಮಾ ‘ಪಶಕ್ತಿರಾ’ ಬಿಡುಗಡೆ ಆಗಿದ್ದು, ಪ್ರಚಾರಕ್ಕಾಗಿ ನೀಡಿರುವ ಸಂದರ್ಶನದಲ್ಲಿ ಅವರು ಪಡೆದಿರುವ ಸಿನಿಮಾವನ್ನು ಹಂಚಿಕೊಂಡಿದ್ದಾರೆ.
ಶ್ರೀಲೀಲಾ ಹೇಳಿರುವಂತೆ ಅವರ ಮಕ್ಕಳ ದತ್ತು ಪಡೆಯಲು ಒಂದು ಕನ್ನಡ ಸಿನಿಮಾ ಕಾರಣ. ‘ಆ ವಿಷಯ ಮಾತನಾಡಲು ಹೋದರೆ ನಾನು ಭಾವುಕಳಾಗಿಬಿಡುತ್ತೇನೆ. ನಾನು ಒಂದು ಸಿನಿಮಾ ಮಾಡಿದ್ದೆ. ನಾನು ಕನ್ನಡದ ಒಂದು ಸಿನಿಮಾ ಮಾಡಿದ್ದೆ. ಅದರ ನಿರ್ದೇಶಕರು ನನ್ನನ್ನು ಅನಾಥಾಶ್ರಮವೊಂದಕ್ಕೆ ಕರೆದುಕೊಂಡು ಹೋಗಿದ್ದರು. ಅಲ್ಲಿ ನಾನು ಮಕ್ಕಳೊಟ್ಟಿಗೆ ಬೆರೆತೆ, ಫೋನ್ ಮೂಲಕ ಮಾತನಾಡುತ್ತಿದ್ದೆ. ಆ ನಂತರವೂ ನಾನು ಸಹ ಅಲ್ಲಿಗೆ ಭೇಟಿ ನೀಡಿ ಅವರೊಟ್ಟಿಗೆ ಸಮಯ ಕಳೆಯುತ್ತಿತ್ತು’ ಎಂದು ನಟಿ.
ಇದನ್ನೂ ಓದಿ:ಮೊದಲ ತಮಿಳು ಸಿನಿಮಾ ಬಗ್ಗೆ ಶ್ರೀಲೀಲಾಗೆ ಭಾರಿ ನಿರೀಕ್ಷೆ
‘ಆಗಲೇ ನಾನು ಇಬ್ಬರು ಮಕ್ಕಳ ದತ್ತು ಪಡೆದೆ. ಆದರೆ ಅದು ಗೌಪ್ಯವಾಗಿಯೇ ಇತ್ತು. ಬಳಿಕ ಆ ಸಂಸ್ಥೆಯವರು ಆ ಬಗ್ಗೆ ತಿಳಿಸಿದರು. ಇದರಿಂದ ಹೆಚ್ಚಿನ ಜನರಿಗೆ ದತ್ತು ಸ್ಪೂರ್ತಿ ಸಿಗುತ್ತದೆ ಎಂದು ಅವರು ಹೇಳಿದರು. ಅದರಂತೆ ನಾನೂ ಸಹ ಆ ಬಗ್ಗೆ ಮಾತನಾಡಿದೆ. ಬಳಿಕ 2025 ರ ಏಪ್ರಿಲ್ನಲ್ಲಿ ಅದೇ ಸಂಸ್ಥೆಯವರು ಕೇಳಿದ್ದಾರೆಂದು ಇನ್ನೊಂದು ಹೆಣ್ಣು ದತ್ತು ಪಡೆದೆ’ ನಟಿ.
ಶ್ರೀಲೀಲಾ ಅವರು ಗುರು, ಶೋಭಿತಾ ಎಂಬ ಮಕ್ಕಳನ್ನು 2022 ರಲ್ಲಿ ದತ್ತು ಪಡೆದರು. ಬಳಿಕ ಏಪ್ರಿಲ್ ತಿಂಗಳಿನಲ್ಲಿ ಪುಟ್ಟ ಹೆಣ್ಣು ದತ್ತು ಪಡೆದಿದ್ದಾರೆ. ಶೋಭಿತಾ ಮತ್ತು ಗುರು ಅಂಗವಿಕಲ ಮಕ್ಕಳಾಗಿದ್ದಾರೆ. ಈ ಮೂವರು ಮಕ್ಕಳು ಶ್ರೀಲೀಲಾ ಜೊತೆಗೆ ಇರುವುದಿಲ್ಲ ಆದರೆ ಅವರ ವಿದ್ಯಾಭ್ಯಾಸ, ಊಟ-ವಸತಿ-ಉಡುಗೆಯ ಖರ್ಚುಗಳನ್ನು ಶ್ರೀಲೀಲಾ ನೋಡಿಕೊಳ್ಳುತ್ತಾರೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
