2025 ಮುಗಿಯುತ್ತ ಬಂತು. 2026 ರಲ್ಲಿ ಸ್ವಾಗತಿಸಲು ಇನ್ನು 7 ದಿನ ಮಾತ್ರ ಬಾಕಿ ಇದೆ. ಇದಕ್ಕೂ ಮುನ್ನ ಭಾರತದಲ್ಲಿ 2025ರಲ್ಲಿ ಅತೀ ಹೆಚ್ಚು ಜನರು ತಿಳಿದಿದ್ದಾರೆ. ಇನ್ನು ಕೆಲವನ್ನು ತಿರಸ್ಕರಿಸಿದ್ದಾರೆ. 2025ರಲ್ಲಿ ಆಹಾರದ ವಿಷಯಕ್ಕೆ ಬಂದರೆ ಹೆಚ್ಚು ಆರ್ಡರ್ ಮಾಡಿದ ಆಹಾರ ಯಾವುದು ಗೊತ್ತಾ? ಈ ಬಗ್ಗೆ ಸ್ವಿಗ್ಗಿ (ಸ್ವಿಗ್ಗಿ 2025 ವರದಿ) ಒಂದು ವರದಿಯನ್ನು ನೀಡಿದೆ. ಈ ವರ್ಷ ಭಾರತೀಯರು ಸ್ವಿಗ್ಗಿ ಮೂಲಕ 93 ಮಿಲಿಯನ್ ಬಿರಿಯಾನಿಗಳನ್ನು ಆರ್ಡರ್ ಮಾಡಿದ್ದಾರೆ. ಆಹಾರ ವಿತರಣಾ ವೇದಿಕೆಯಲ್ಲಿ ಬಿರಿಯಾನಿ ಅತಿ ಹೆಚ್ಚು ಆರ್ಡರ್ ಮಾಡಲಾದ ವಸ್ತು ಎಂದು ಹೇಳಲಾಗಿದೆ. ಸ್ವಿಗ್ಗಿಯಲ್ಲಿ ಅತಿ ಹೆಚ್ಚು ಆರ್ಡರ್ ಮಾಡಲಾದ ಭಕ್ಷ್ಯಗಳಲ್ಲಿ ಸತತವಾಗಿ 10 ವರ್ಷ ಬಿರಿಯಾನಿ ಅಗ್ರಸ್ಥಾನದಲ್ಲಿದೆ.
ಸ್ವಿಗ್ಗಿಯ ವರ್ಷಾಂತ್ಯದ ವರದಿಯ ಪ್ರಕಾರ, “ಬಿರಿಯಾನಿ ಆಹಾರಗಳ ರಾಜ” ಎಂದು ಹೇಳಿದೆ. ಈ ಪರಿಮಳಯುಕ್ತ ಖಾದ್ಯವು ತನ್ನ ರುಚಿ, ವಿಭಿನ್ನತೆಯಲ್ಲಿ ಹಿಡಿತವನ್ನು ಸಾಧಿಸಿದೆ ಎಂದು ಹೇಳಿದ್ದಾರೆ. ಭಾರತೀಯರು ಸ್ವಿಗ್ಗಿಯಲ್ಲಿ ಪ್ರತಿ 3.25 ಸೆಕೆಂಡ್ಗೆ ಒಂದು ಬಿರಿಯಾನಿ ಆರ್ಡರ್ ಮಾಡುತ್ತಿದ್ದರು . ಅಂದರೆ ಪ್ರತಿ ನಿಮಿಷಕ್ಕೆ 194 ಬಿರಿಯಾನಿಗಳು. ಇನ್ನು ಈ ಅಡುಗೆ ಜೊಮಾಟೊದಂತಹ ಇತರ ಅಪ್ಲಿಕೇಶನ್ಗಳು ಮತ್ತು ನೇರವಾಗಿ ರೆಸ್ಟೋರೆಂಟ್ಗಳಿಂದ ಮಾಡಿದ ಆರ್ಡರ್ಗಳನ್ನು ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ಸ್ವಿಗ್ಗಿ ವರದಿಯ ಪ್ರಕಾರ, 2025 ರಲ್ಲಿ 93 ಮಿಲಿಯನ್ ಬಿರಿಯಾನಿಗಳನ್ನು ಆರ್ಡರ್ ಮಾಡಲಾಗಿದೆ. ಚಿಕನ್ ಬಿರಿಯಾನಿ 57.7 ಮಿಲಿಯನ್ ಆರ್ಡರ್ ಮಾಡಲ್ಪಟ್ಟಿದೆ, ಇದನ್ನು ಅತ್ಯಂತ ಜನಪ್ರಿಯ ಬಿರಿಯಾನಿ ಎಂದು ಹೇಳಲಾಗಿದೆ. ಸ್ವಿಗ್ಗಿಯಲ್ಲಿ ಬಿರಿಯಾನಿ ಅತ್ಯಂತ ಜನಪ್ರಿಯ ಖಾದ್ಯವಾಗಿ ಒಂದು ದಶಕವನ್ನು ಪೂರ್ಣಗೊಳಿಸಿದೆ.
ಇದನ್ನೂ ಓದಿ: ಯಾವಾಗ ನೋಡಿದ್ರೂ ಪಿಜ್ಜಾ, ಬರ್ಗರ್ ತಿಂತಾನೇ ಇರ್ತೀರಾ? ಎಚ್ಚರ: ಇಲ್ಲೊಬ್ಬಳು ಬಾಲಕಿಗೆ ಏನಾಗಿದೆ ನೋಡಿ!
ಇನ್ನು ಬಿರಿಯಾನಿ ಜೊತೆಗೆ ಇತರ ಭಕ್ಷ್ಯಗಳು ಸಹ ಜನಪ್ರಿಯತೆಯಲ್ಲಿ ಏರಿಕೆ ಕಂಡಿದೆ. ಬರ್ಗರ್ 44.2 ಮಿಲಿಯನ್ ಆರ್ಡರ್ ಮಾಡುವ ಮೂಲಕ ಎರಡನೇ ಅತ್ಯಂತ ಜನಪ್ರಿಯ ಆಹಾರ ಎಂದು ಹೇಳಲಾಗಿದೆ. 2025 ರಲ್ಲಿ ಸ್ವಿಗ್ಗಿಯಲ್ಲಿ ಅತಿ ಹೆಚ್ಚು ಆರ್ಡರ್ ಮಾಡಲಾದ ಮೂರನೇ ಖಾದ್ಯ ಪಿಜ್ಜಾ ಆಗಿದ್ದು, 40.1 ಮಿಲಿಯನ್ ಆರ್ಡರ್ಗಳನ್ನು ಪಡೆದಿದೆ. ಸಸ್ಯಾಹಾರಿಯಲ್ಲಿ ದೋಸೆ 26.2 ಮಿಲಿಯನ್ ಆರ್ಡರ್ಗಳಿಗೆ ಮತ್ತೊಂದು ನೆಚ್ಚಿನ ಖಾದ್ಯವಾಗಿದೆ. ಜನ ನಮ್ಮ ಕಂಪನಿಯನ್ನು ಮೆಚ್ಚಿದ್ದಾರೆ. ಜೊತೆಗೆ 2025 ರಲ್ಲಿ ಇಷ್ಟೊಂದು ಆರ್ಡರ್’ ಪಡೆಯುವ ಮೂಲಕ ಸ್ವಿಗ್ಗಿ ಆಹಾರ ವಿತರಣಾ ವೇದಿಕೆಯಲ್ಲಿ ದೊಡ್ಡ ಮಟ್ಟದ ಸಾಧನೆ ಮಾಡಿದೆ ಎಂದು ಸ್ವಿಗ್ಗಿ ಮಾರ್ಕೆಟ್ಪ್ಲೇಸ್ನ ಸಿಐಒ ರೋಹಿತ್ ಕಪೂರ್ ಹೇಳಿದ್ದಾರೆ.
ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 2:11 pm, ಬುಧವಾರ, 24 ಡಿಸೆಂಬರ್ 25
