ಸಿನಿಮಾ (ಸಿನಿಮಾ) ಉದ್ಯಮ ಎಂಬುದು ಸಾಕಷ್ಟು ಏರಿಳಿತ ಇರುವ ಉದ್ಯಮ. ಸಿನಿಮಾ ಹಿಟ್ ಆದರೆ ನಿರ್ಮಾಪಕ ರಾತ್ರೋ ರಾತ್ರಿ ಶ್ರೀಮಂತನಾಗುತ್ತಾನೆ, ನಟಿಸಿರುವ ನಟ-ನಟಿಯರು, ತಂತ್ರಜ್ಞರೆಲ್ಲ ಸ್ಟಾರ್ ಆಗುತ್ತಾರೆ. ಆದರೆ ಸಿನಿಮಾ ಸೋತಿದ್ದರೆ ನಿರ್ಮಾಪಕ ಬೀದಿ ಪಾಲಾಗುತ್ತಾನೆ. ಸಿನಿಮಾದಲ್ಲಿ ಕೆಲಸ ಮಾಡಿರುವ ನಟ-ನಟಿಯರಿಗೆ ಸಂಭಾವನೆ ಸಿಕ್ಕಿದೆ, ಅವರು ಮತ್ತೊಂದು ಅವಕಾಶ ಅರಸಿ ಹೊರಡುತ್ತಾರೆ. ಇದು ನಿರ್ಮಾಪಕರಿಗೆ ಭಾರಿ ಹೊಡೆತ ನೀಡುತ್ತಿದೆ. ಇದೇ ಕಾರಣಕ್ಕೆ ತಮಿಳು ನಿರ್ಮಾಪಕರು ದಿಟ್ಟ ನಿರ್ಧಾರವೊಂದು ಮಾಡಿದ್ದಾರೆ.
ಇತ್ತೀಚೆಗೆ ತಮಿಳಿನ ಕೆಲವು ದೊಡ್ಡ ಬಜೆಟ್ ಸಿನಿಮಾಗಳು ಒಂದರ ಹಿಂದೊಂದರಂತೆ ಸೋತಿವೆ. ಕಮಲ್ ಪ್ರದರ್ಶನ ಹಾಸನ್ ನಟನೆಯ ‘ಥಗ್ ಲೈಫ್’, ರಜನೀಕಾಂತ್ ನಟನೆಯ ‘ಕೂಲಿ’ ಸಹ ನಿರೀಕ್ಷಿತ ಕಂಡಿಲ್ಲ. ‘ಮದರಾಸಿ’, ಸೂರ್ಯ ನಟನೆಯ ‘ಕಂಗುವ’ ವಿಕ್ರಂ ನಟನೆಯ ‘ವೀರ ಧೀರ ಶೂರನ್’ ಇನ್ನೂ ಕೆಲವು ದೊಡ್ಡ ಬಜೆಟ್ ಸಿನಿಮಾಗಳು ಫ್ಲಾಪ್ ಆದವು. ಇದೇ ಕಾರಣಕ್ಕೆ ತಮಿಳಿನ ನಿರ್ಮಾಪಕರ ಸಂಘದ ಸದಸ್ಯರು ಒಟ್ಟಾಗಿ ಸಭೆ ನಡೆಸಿ ಹಂಚಿಕೆ ಆಧಾರದಲ್ಲಿ ಸಿನಿಮಾ ಮಾಡುವ ನಿರ್ಧಾರವನ್ನು ತಳೆದಿದ್ದಾರೆ.
ಇನ್ನು ಮುಂದೆ ತಮಿಳಿನಲ್ಲಿ ನಿರ್ಮಾಣ ಆಗುವ ದೊಡ್ಡ ಬಜೆಟ್ ಸಿನಿಮಾಗಳು ಅಥವಾ ಸ್ಟಾರ್ ನಟರ ಸಿನಿಮಾಗಳ ಹಂಚಿಕೆ ಆಧಾರದಲ್ಲಿ ನಿರ್ಮಾಣ ಆಗಲಿವೆ. ಸಿನಿಮಾ ಗೆದ್ದರೆ ಬಂದ ಲಾಭದಲ್ಲಿ ಸಿನಿಮಾದ ಸ್ಟಾರ್ ನಟ, ಪ್ರಮುಖ ತಂತ್ರಜ್ಞರಿಗೆ ಪಾಲು ಇರಲಿದೆ. ಒಂದೊಮ್ಮೆ ಸಿನಿಮಾ ಸೋತರೆ ನಿರ್ಮಾಪಕರ ಜೊತೆಗೆ ನಟ, ತಂತ್ರಜ್ಞರು ಸಹ ಹಣ ತುಂಬಬೇಕು.
ಇದನ್ನೂ ಓದಿ:ಈ ಶುಕ್ರವಾರ ಚಿತ್ರಮಂದಿರಗಳಲ್ಲಿ ಹಬ್ಬ, ಯಾವೆಲ್ಲ ಸಿನಿಮಾ ಬಿಡುಗಡೆ?
ಇದರ ಜೊತೆಗೆ ಸಿನಿಮಾಗಳು ಎಷ್ಟು ವಾರದ ಬಳಿಕ ಒಟಿಟಿಗೆ ಬರಬೇಕು ಎಂಬ ಬಗ್ಗೆಯೂ ನಿಯಮಗಳನ್ನು ರೂಪಿಸಲಾಗಿದೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುವ ದೊಡ್ಡ ಬಜೆಟ್ ಸಿನಿಮಾಗಳು ಕಡ್ಡಾಯವಾಗಿ ಎಂಟು ವಾರಗಳ ನಂತರವೇ ಒಟಿಟಿಗೆ ಬರಬೇಕು ಎಂಬ ನಿಯಮವನ್ನು ರೂಪಿಸಲಾಗಿದೆ. ಆದರೆ ಸಣ್ಣ ಬಜೆಟ್ ಸಿನಿಮಾಗಳಿಗೆ ವಿನಾಯಿತಿ ನೀಡಿದ್ದು ಅವು ನಾಲ್ಕು ವಾರಗಳಲ್ಲಿ ಒಟಿಟಿಗೆ ಬರುವುದಿಲ್ಲ.
ಇದರ ಜೊತೆಗೆ ಸಣ್ಣ ಬಜೆಟ್ ಸಿನಿಮಾಗಳಿಗೆ ಚಿತ್ರಮಂದಿರ ಸಿಗುವಂತೆ ಮಾಡಲು, ಅವುಗಳ ರಿಲೀಸ್ಗೆ ಕಾರಣವಾದ ಚಿತ್ರಮಂದಿರ ನಿರ್ಮಾಣ, ವಿತರಕರು ಹೊಸ ಸಮಿತಿಯನ್ನು ರಚಿಸಲು ಸಹ ನಿರ್ಮಾಪಕರ ಸಭೆಯಲ್ಲಿ ನಿರ್ಣಯಿಸಲಾಗಿದೆ. ಇದರ ಜೊತೆಗೆ ನಿರ್ಮಾಪಕರು, ನಟರು ವೆಬ್ ಸರಣಿಗಳಿಗೆ ಆದ್ಯತೆ ನೀಡದೆ, ಸಿನಿಮಾಗಳಿಗೆ ಮಾತ್ರ ಆದ್ಯತೆ ನೀಡುವಂತೆ ಒತ್ತಾಯ ಹೇರಲು ಸಭೆ ನಿಶ್ಚಯಿಸಿದೆ. ಸಿನಿಮಾ ಹೆಸರಲ್ಲಿ ಸಿನಿಮಾಗಳಿಗೆ ಹಾನಿ ಮಾಡುತ್ತಿರುವ ವಿಮರ್ಶೆ ಯೂಟ್ಯೂಬ್ ಚಾನೆಲ್ಗಳನ್ನು ಗುರುತಿಸಿ ಅವುಗಳ ವಿರುದ್ಧ ಕ್ರಮಕ್ಕೆ ಸಹ ನಿರ್ಮಾಪಕರು ಮುಂದಾಗಿದ್ದಾರೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 11:19 am, ಬುಧವಾರ, 12 ನವೆಂಬರ್ 25
