ರಾಜ್ಯ ಸರ್ಕಾರಗಳಿಂದ ಟಾಟಾ ಮೋಟಾರ್ಸ್‌ಗೆ ಬಂಪರ್ ಆರ್ಡರ್: 5,000+ ಹೊಸ ಬಸ್‌ಗಳಿಗೆ ಬುಕಿಂಗ್!

<p>ದೇಶದ ಪ್ರಮುಖ ವಾಣಿಜ್ಯ ವಾಹನ ತಯಾರಕ ಟಾಟಾ ಮೋಟಾರ್ಸ್‌ಗೆ ವಿವಿಧ ರಾಜ್ಯ ಸಾರಿಗೆ ಸಂಸ್ಥೆಗಳಿಂದ 5,000ಕ್ಕೂ ಹೆಚ್ಚು ಬಸ್ಸುಗಳ ಬೃಹತ್ ಆರ್ಡರ್ ಲಭಿಸಿದೆ. ಈ ಒಪ್ಪಂದದಲ್ಲಿ ಟಾಟಾ ಮ್ಯಾಗ್ನಾ, ಸಿಟಿ ರೈಡ್, ಸ್ಟಾರ್‌ಬಸ್‌ ಮಾದರಿಗಳು ಸೇರಿವೆ. ಈ ಸುದ್ದಿ ನಡುವೆಯೂ ಕಂಪನಿಯ ಷೇರುಗಳು ಕುಸಿತ ಕಂಡಿವೆ.</p><img><p>ದೇಶದ ಅತಿದೊಡ್ಡ ವಾಣಿಜ್ಯ ವಾಹನ ತಯಾರಕ ಕಂಪನಿ ಟಾಟಾ ಮೋಟಾರ್ಸ್‌ಗೆ 5,000ಕ್ಕೂ ಹೆಚ್ಚು ಬಸ್‌ಗಳು ಮತ್ತು ಬಸ್ ಚಾಸಿಗಳಿಗಾಗಿ ಬೃಹತ್ ಆರ್ಡರ್ ಸಿಕ್ಕಿದೆ. ದೇಶದ ಹಲವಾರು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಂದ ಕಂಪನಿಗೆ ಈ ಆರ್ಡರ್ ಬಂದಿದೆ. ಈ ಬಗ್ಗೆ ಟಾಟಾ ಮೋಟಾರ್ಸ್ ಶುಕ್ರವಾರ ಷೇರುಪೇಟೆಗೆ ಮಾಹಿತಿ ನೀಡಿದೆ. ವರದಿಗಳ ಪ್ರಕಾರ, ಇ-ಬಿಡ್ಡಿಂಗ್ ಮೂಲಕ ಟಾಟಾ ಮೋಟಾರ್ಸ್ ಈ ಆರ್ಡರ್ ಗಿಟ್ಟಿಸಿಕೊಂಡಿದೆ.</p><img><p>ಮಹಾರಾಷ್ಟ್ರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ಗುಜರಾತ್ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ,<strong> ವಾಯುವ್ಯ ಕರ್ನಾಟಕ ಸಾರಿಗೆ ಸಂಸ್ಥೆ,</strong> ತೆಲಂಗಾಣ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ಬಿಹಾರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ರಾಜಸ್ಥಾನ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ಕೇರಳ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, ಹರಿಯಾಣ ರೋಡ್‌ವೇಸ್ ಮತ್ತು ಚಂಡೀಗಢ ಸಾರಿಗೆ ಇಲಾಖೆಯಿಂದ ಟಾಟಾ ಮೋಟಾರ್ಸ್‌ಗೆ ಈ ದೊಡ್ಡ ಆರ್ಡರ್ ಬಂದಿದೆ.</p><img><p>ಟಾಟಾ ಮ್ಯಾಗ್ನಾ, ಟಾಟಾ ಸಿಟಿ ರೈಡ್, ಟಾಟಾ ಸ್ಟಾರ್‌ಬಸ್ ಮತ್ತು ಟಾಟಾ ಸ್ಟಾಲ್‌ಬಸ್ ಮಾಡೆಲ್‌ಗಳಿಗೆ ಅತಿ ಹೆಚ್ಚು ಬೇಡಿಕೆ ವ್ಯಕ್ತವಾಗಿದೆ. ಈ ಆರ್ಡರ್‌ನಲ್ಲಿ ಟಾಟಾ ಎಲ್‌ಪಿಒ 1618, ಟಾಟಾ ಎಲ್‌ಪಿಒ 1622 ಮತ್ತು ಟಾಟಾ ಎಲ್‌ಪಿಒ 1822 ಚಾಸಿಗಳೂ ಸೇರಿವೆ. ಟಾಟಾ ಮೋಟಾರ್ಸ್‌ನ ಕಮರ್ಷಿಯಲ್ ಪ್ಯಾಸೆಂಜರ್ ಪೋರ್ಟ್‌ಫೋಲಿಯೋದಲ್ಲಿ 9 ಸೀಟರ್‌ಗಳಿಂದ ಹಿಡಿದು 55 ಸೀಟರ್‌ಗಳವರೆಗಿನ ಬಸ್‌ಗಳಿವೆ.</p><img><p>ಶುಕ್ರವಾರ ಬಿಎಸ್‌ಇಯಲ್ಲಿ ಕಂಪನಿಯ ಷೇರುಗಳು ಕುಸಿತದೊಂದಿಗೆ ವಹಿವಾಟು ಆರಂಭಿಸಿದವು. ದಿನದ ವಹಿವಾಟಿನ ವೇಳೆ ಟಾಟಾ ಮೋಟಾರ್ಸ್ ಲಿಮಿಟೆಡ್‌ನ ಷೇರುಗಳು 418 ರೂ.ಗೆ ಇಳಿದಿದ್ದವು. ಮಧ್ಯಾಹ್ನ 2:30ರ ಸುಮಾರಿಗೆ ಕಂಪನಿಯ ಷೇರುಗಳು ಸುಮಾರು 426 ರೂ.ನಲ್ಲಿ ವಹಿವಾಟು ನಡೆಸುತ್ತಿದ್ದವು. ಇದು ಶೇ. 3ಕ್ಕಿಂತ ಹೆಚ್ಚು ಕುಸಿತವಾಗಿದೆ.</p><img><p>ಕಳೆದ ಒಂದು ತಿಂಗಳಲ್ಲಿ ಟಾಟಾ ಮೋಟಾರ್ಸ್ ಷೇರು ಬೆಲೆ ಶೇ. 11ರಷ್ಟು ಕುಸಿದಿದೆ. ಈ ಕುಸಿತದ ನಡುವೆಯೂ, ಈ ಟಾಟಾ ಗ್ರೂಪ್ ಕಂಪನಿಯು ಮೂರು ತಿಂಗಳ ಅವಧಿಯಲ್ಲಿ ಹೂಡಿಕೆದಾರರಿಗೆ ಶೇ. 14ರಷ್ಟು ಆದಾಯವನ್ನು ನೀಡಿದೆ. ಬಿಎಸ್‌ಇಯಲ್ಲಿ ಟಾಟಾ ಮೋಟಾರ್ಸ್‌ನ 52 ವಾರಗಳ ಗರಿಷ್ಠ ಬೆಲೆ 508.95 ರೂ. ಮತ್ತು 52 ವಾರಗಳ ಕನಿಷ್ಠ ಬೆಲೆ 306 ರೂ. ಆಗಿದೆ.&nbsp;</p><p>ಕೆಲವು ತಿಂಗಳ ಹಿಂದೆ, ಟಾಟಾ ಮೋಟಾರ್ಸ್ ಕಂಪನಿಯನ್ನು ಎರಡು ಭಾಗಗಳಾಗಿ ವಿಂಗಡಿಸಿತ್ತು. ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಲಿಮಿಟೆಡ್ ಮತ್ತು ಟಾಟಾ ಮೋಟಾರ್ಸ್ ಕಮರ್ಷಿಯಲ್ ಎಂದು ವಿಭಾಗಿಸಲಾಗಿದ್ದು, ಎರಡೂ ವಿಭಾಗಗಳಲ್ಲಿ ವ್ಯವಹಾರವನ್ನು ಬೆಳೆಸುವತ್ತ ಗಮನಹರಿಸಲು ಈ ನಿರ್ಧಾರ ಕೈಗೊಳ್ಳಲಾಗಿತ್ತು.</p>



Source link