<p>Unique Relationship: ಥಾಯ್ಲೆಂಡ್ನ 24 ವರ್ಷದ ಫಾಹ್ ಎಂಬ ಯುವತಿ, ಸುವಾ ಮತ್ತು ಸಿಂಗ್ ಎಂಬ ಅವಳಿ ಸೋದರರೊಂದಿಗೆ ಏಕಕಾಲದಲ್ಲಿ ಡೇಟಿಂಗ್ ಮಾಡುತ್ತಿದ್ದಾರೆ. ತಮ್ಮ ಈ ವಿಶಿಷ್ಟ ಸಂಬಂಧದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆಗಳು ವ್ಯಕ್ತವಾದರೂ, ಅವರು ತಮ್ಮ ಪ್ರಣಯ ಕ್ಷಣಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.</p><img><p>ಡೇಟಿಂಗ್ ಹಾಗೂ ಲಿವ್ ಇನ್ ರಿಲೇಷನ್ಷಿಪ್ಗಳು ಇತ್ತಿಚಿನ ದಿನಗಳಲ್ಲಿ ಸಾಮಾನ್ಯ. ಸೋಶಿಯಲ್ ಮೀಡಿಯಾದಲ್ಲಿ ಈಶಾನ್ಯ ಥಾಯ್ಲೆಂಡ್ನ ಹುಡುಗಿಯ ಸ್ಟೋರಿ ವೈರಲ್ ಆಗುತ್ತಿದೆ. ಅದಕ್ಕೆ ಕಾರಣ ಈ ಯುವತಿ ಏಕಕಾಲದಲ್ಲಿ ಅವಳಿ ಸೋದರರ ಜೊತೆ ಡೇಟಿಂಗ್ ಮಾಡುತ್ತಿದ್ದಾಳೆ.</p><img><p>ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ವರದಿಯ ಪ್ರಕಾರ, ಥೈಲ್ಯಾಂಡ್ನ ನಖೋನ್ ಫಾನೋಮ್ ಪ್ರದೇಶದ 24 ವರ್ಷದ ಫಾಹ್, ರಿಲೇಷನ್ಷಿಪ್ನ ನಿರೀಕ್ಷೆಯಲ್ಲಿದ್ದಾಗ ಸಹೋದರರಾದ ಸುವಾ ಮತ್ತು ಸಿಂಗ್ ಅವರನ್ನು ಭೇಟಿಯಾಗಿದ್ದರು.</p><img><p>ಕಿರಿಯ ಸಹೋದರ ಸುವಾ ಪ್ರಕಾರ, ಅವನು ಮೊದಲು ಫಾಹ್ಗೆ ಸಂದೇಶ ಕಳುಹಿಸಿ ನಂತರ ತನ್ನ ಅಣ್ಣ ಸಿಂಗ್ಗೆ ಹೇಳಿದ್ದ. ನಂತರ ಮೂವರು ಒಳ್ಳೆಯ ಸ್ನೇಹಿತರಾದರು ಮತ್ತು ಅವರ ರಿಲೇಷನ್ಷಿಪ್ ಅಲ್ಲಿಂದಲೇ ಪ್ರಾರಂಭವಾಗಿದೆ.</p><img><p>ವರದಿಯ ಪ್ರಕಾರ, ಅವಳಿ ಸಹೋದರರು ಫಾಹ್ ಗಿಂತ ಒಂದು ವರ್ಷ ಕಿರಿಯರು ಮತ್ತು ಕೃಷಿ ಯಂತ್ರೋಪಕರಣ ಸೇವೆಗಳಲ್ಲಿ ಕೆಲಸ ಮಾಡುತ್ತಾರೆ. ಫಾಹ್ ತನ್ನ ಅಧ್ಯಯನವನ್ನು ಪೂರ್ಣ ಮಾಡುತ್ತಿದ್ದ ಹಂತದಲ್ಲಿ ಮೂವರು ಡೇಟಿಂಗ್ ಪ್ರಾರಂಭಿಸಿದರು.</p><img><p>24 ವರ್ಷದ ಫಾಹ್ ಪ್ರಕಾರ, ಒಂದೇ ಬೆಡ್ಅನ್ನು ತಾವು ಮೂವರು ಹಂಚಿಕೊಂಡಿದ್ದೇವೆ ಎಂದಿದ್ದಾರೆ. ಹಾಸಿಗೆಯ ಮಧ್ಯದಲ್ಲಿ ನಾನು ಮಲಗುತ್ತೇನೆ ಎಂದಿದ್ದಾರೆ. ಇನ್ನು ದೈಹಿಕ ಸಂಬಂಧ ಯಾವುದೇ ರಿಲೇಷನ್ಷಿಪ್ನ ಸ್ವಾಭಾವಿಕ ಭಾಗ ಎಂದು ಅವರು ನಂಬಿದ್ದಾರೆ.</p><img><p>ವರದಿಗಳ ಪ್ರಕಾರ, ಫಾಹ್ ರೆಸ್ಟೋರೆಂಟ್ನಲ್ಲಿ ಕೆಲಸ ಮಾಡುತ್ತಾರೆ, ಗ್ರಾಹಕರಿಗೆ ಸೇವೆ ಸಲ್ಲಿಸುವುದರಿಂದ ಹಿಡಿದು ಅಡುಗೆಮನೆಯಲ್ಲಿ ಸಹಾಯ ಮಾಡುವವರೆಗೆ ಎಲ್ಲವನ್ನೂ ನಿರ್ವಹಿಸುತ್ತಾರೆ. ಅವರ ಮಾಸಿಕ ಆದಾಯ 10,000 ಬಹ್ತ್ (ಸುಮಾರು $320).</p><img><p>ಫಾಹ್ ಪ್ರಕಾರ, ಹಾಗೇನಾದರೂ ಗರ್ಭಿಣಿಯಾದರೆ, ತಂದೆ ಯಾರು ಅನ್ನೋದನ್ನು ಗುರುತಿಸಲು ಡಿಎನ್ಎ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವ ಪ್ಲ್ಯಾನ್ ಮಾಡಿದ್ದಾರೆ. ಜನನ ಪ್ರಮಾಣಪತ್ರದಲ್ಲಿ ಸರಿಯಾದ ಹೆಸರು ಇರಬೇಕು ಅನ್ನೋ ಕಾರಣಕ್ಕೆ ಇದನ್ನು ಮಾಡುತ್ತೇನೆ ಎಂದಿದ್ದಾರೆ.</p><img><p>ಸೋಶಿಯಲ್ ಮೀಡಿಯಾದಲ್ಲಿನ ನೆಗೆಟಿವ್ ಕಾಮೆಂಟ್ಸ್ ಕುರಿತು ಮಾತನಾಡಿದ ಫಾಹ್, ಪ್ರತಿಯೊಬ್ಬರೂ ತಮ್ಮದೇ ಆದ ರೀತಿಯಲ್ಲಿ ಬದುಕುವ ಹಕ್ಕನ್ನು ಹೊಂದಿದ್ದಾರೆ ಎಂದು ಹೇಳುತ್ತಾರೆ. ಅವರ ವಿಶಿಷ್ಟ ರಿಲೇಷನ್ಷಿಪ್ ಹೆಚ್ಚಿನವರ ಗಮನ ಸೆಳೆದಿದೆ ಎಂದೂ ತಿಳಿಸಿದ್ದಾರೆ.</p><img><p>ಫಾಹ್ ಆಗಾಗ್ಗೆ ಇಬ್ಬರು ಸಹೋದರರ ನಡುವೆ ಕುಳಿತಿರುವ ಅಥವಾ ಮಲಗಿರುವ ಚಿತ್ರಗಳನ್ನು ಸೋಶಿಯಲ್ ಮೀಡಿಯಾದಲ್ಲೊ ಹಂಚಿಕೊಳ್ಳುತ್ತಾರೆ. ಈ ಚಿತ್ರಗಳ ಮೂಲಕ, ಅವರು ತಮ್ಮ ಪ್ರಣಯ ಕ್ಷಣಗಳನ್ನು ಸಾರ್ವಜನಿಕವಾಗಿ ಹಂಚಿಕೊಳ್ಳುತ್ತಾರೆ.</p>
Source link
ಅವಳಿ ಸೋದರರ ಜೊತೆ ಹುಡುಗಿಯ ಡೇಟಿಂಗ್, ಯಾರ ಮಗುವಿಗೆ ಪ್ರಗ್ನೆಂಟ್ ಅನ್ನೋದನ್ನ ತಿಳಿಯಲು ಡಿಎನ್ಎ ಟೆಸ್ಟ್!
