ಸೋಲೇನೆಂದು ತಿಳಿಯದ ನಿರ್ದೇಶಕರಲ್ಲಿ ರಾಜಮೌಳಿ ಮೊದಲಿಗರು. ಅವರು ಮಾಡಿರುವ 12 ಸಿನಿಮಾಗಳಲ್ಲಿ ಎಲ್ಲವೂ ಹಿಟ್. ಮಿಶ್ರ ಪ್ರತಿಕ್ರಿಯೆ ಪಡೆದ ‘ಯಮದೊಂಗ’ ಕೂಡ ಚೆನ್ನಾಗಿ ಓಡಿತು. ‘ಆರ್ಆರ್ಆರ್’ ಕೂಡ ಚೆನ್ನಾಗಿ ಓಡಿತು. ಆಸ್ಕರ್ ಪ್ರಶಸ್ತಿ ಗೆದ್ದ ವಿಷಯ ಎಲ್ಲರಿಗೂ ತಿಳಿದಿದೆ. ರಾಜಮೌಳಿ ನಿರ್ದೇಶನದ ‘ಸ್ಟೂಡೆಂಟ್ ನಂ 1’, ‘ಸಿಂಹಾದ್ರಿ’, ‘ಸೈ’, ‘ಛತ್ರಪತಿ’, ‘ವಿಕ್ರಮಾರ್ಕುಡು’, ‘ಯಮದೊಂಗ’, ‘ಮಗಧೀರ’, ‘ಈಗ’, ‘ಮರ್ಯಾದ ರಾಮಣ್ಣ’, ‘ಬಾಹುಬಲಿ’, ‘ಬಾಹುಬಲಿ 2’, ‘ಆರ್ಆರ್ಆರ್’ ಸಿನಿಮಾಗಳು ಭರ್ಜರಿ ಗೆಲುವು ಸಾಧಿಸಿವೆ. ಭಾರತೀಯ ಸಿನಿಮಾದ ಲೆಕ್ಕಾಚಾರವನ್ನೇ ಬದಲಿಸಿದ ನಿರ್ದೇಶಕ ರಾಜಮೌಳಿ. ಈಗ ಮಹೇಶ್ ಬಾಬು ಜೊತೆ ಸಿನಿಮಾ ಮಾಡ್ತಿದ್ದಾರೆ. ಇದನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಿರ್ಮಿಸಲಾಗುತ್ತಿದೆ.
