ವಾಷಿಂಗ್ಟನ್, ಏಪ್ರಿಲ್ 1: ಡೊನಾಲ್ಡ್ ಟ್ರಂಪ್ ವಿಧಿಸಿರುವ ಟ್ಯಾರಿಫ್ ಕ್ರಮವನ್ನು ಅಮೆರಿಕದ ಸುಪ್ರೀಮ್ ಕೋರ್ಟ್ ಅಮಾನ್ಯಗೊಳಿಸಿದೆ. ಈ ಟ್ಯಾರಿಫ್ ಸಂಗ್ರಹ ಅಕ್ರಮವಾಗಿದೆ ಎಂದು ಹೇಳಿ ಟ್ಯಾರಿಫ್ ಅನ್ನು (ಯುಎಸ್ ಸುಂಕಗಳು) ರದ್ದುಗೊಳಿಸಲಾಗಿದೆ. ಆದರೆ, ಅಷ್ಟರಲ್ಲಾಗಲೇ ಅಮೆರಿಕ ಸಾಕಷ್ಟು ಟ್ಯಾರಿಫ್ ಅನ್ನು ಸಂಗ್ರಹಿಸಿದೆ. ಈ ಅಮೆರಿಕ ಸುಂಕ ಪ್ರಾಧಿಕಾರವು ಟ್ಯಾರಿಫ್ ಕಳೆದುಕೊಂಡವರಿಗೆ ರೀಫಂಡ್ ಮಾಡಲು ವ್ಯವಸ್ಥೆ ಮಾಡಿದೆ. ಒಂದು ಅಂದಾಜು ಪ್ರಕಾರ 166 ಬಿಲಿಯನ್ ಡಾಲರ್ನಷ್ಟು ಟ್ಯಾರಿಫ್ ಸಂಗ್ರಹವಾಗಿದ್ದು, ಅವೆಲ್ಲವನ್ನೂ ಹಂತ ಹಂತವಾಗಿ ರೀಫಂಡ್ ಮಾಡಬಹುದಾಗಿದೆ. ಈ ಪ್ರಕ್ರಿಯೆಗೆ ಸುಮಾರು 45 ದಿನಗಳು ತಗುಲಬಹುದು.
ಪೋರ್ಟಲ್ ಇತ್ಯಾದಿ ಟ್ಯಾರಿಫ್ ರೀಫಂಡ್ ಸಿಸ್ಟಂ ಮುಕ್ಕಾಲು ಪಾಲು ಸ್ಥಗಿತಗೊಂಡಿದೆ ಎಂದು ಅಮೆರಿಕದ ಅಧಿಕಾರಿಗಳು ಹೇಳಿದ್ದಾರೆ. ಸಲ್ಲಿಕೆ ನಂತರ ವಿವಿಧ ಪ್ರಕ್ರಿಯೆ ಪೂರ್ಣಗೊಳಿಸಲು ಅರ್ಜಿ ಸಲ್ಲಿಸಲು 45 ದಿನಗಳ ಗುರಿಯನ್ನು ಇಡಲಾಗಿದೆ. ಅರ್ಜಿ ಸಲ್ಲಿಕೆ ಯಾವಾಗ ಆರಂಭವಾಗುತ್ತದೆ ಎಂಬುದು ಗೊತ್ತಾಗುವುದಿಲ್ಲ. ಏಪ್ರಿಲ್ ಅಂತ್ಯದೊಳಗೆ ಈ ಪೋರ್ಟಲ್ ಸಾರ್ವತ್ರಿಕಗೊಳ್ಳಬಹುದು.
ಇದನ್ನೂ ಓದಿ: ಜೆಟ್ ಇಂಧನ: ವಿದೇಶೀ ಏರ್ಲೈನ್ಸ್ಗೆ ಡಬಲ್ ಬೆಲೆ ಏರಿಕೆ; ದೇಶೀಯ ವಿಮಾನಗಳಿಗೆ ಶೇ. 8.5 ಏರಿಕೆ
ಯಾರಿಗೆ ಸಿಗುತ್ತೆ ರೀಫಂಡ್ಸ್?
ಟ್ಯಾರಿಫ್ ವಿದೇಶಗಳಿಂದ ಸರಬರಾಜು ಮಾಡಲಾಗುವ ಸರಕುಗಳಿಗೆ ವಿಧಿಸುವ ಸುಂಕ. ಇದನ್ನು ಆಮದು ಮಾಡುವವರು ನೀಡುತ್ತಾರೆ. ಉದಾಹರಣೆಗೆ, ಭಾರತದ ಸರಕುಗಳ ಮೇಲೆ ಟ್ರಂಪ್ ಅವರು ಶೇ. 50ರಷ್ಟು ಟ್ಯಾರಿಫ್ ಹಾಕಿದ್ದಾರೆ ಎಂದಿಟ್ಟುಕೊಳ್ಳಿ. ಭಾರತೀಯ ಕಂಪನಿಯೊಂದು ತನ್ನ ಸರಕುಗಳನ್ನು ಅಮೆರಿಕದ ಕಂಪನಿಯೊಂದಕ್ಕೆ ಮಾರುತ್ತದೆ. ಆ ಸರಕುಗಳಿಗೆ ಶೇ. 50ರಷ್ಟು ಟ್ಯಾರಿಫ್ ಇರುತ್ತದೆ. ಈ ಟ್ಯಾರಿಫ್ ಅನ್ನು ಅಮೆರಿಕದ ಕಂಪನಿಯು ಸುಂಕ ಏಜೆನ್ಸಿಗೆ ಪಾವತಿಸಿ, ಸರಕುಗಳನ್ನು ಪಡೆಯಬೇಕು. ಹೀಗಾಗಿ, ಟ್ರಂಪ್ ಹಾಕಿದ ಟ್ಯಾರಿಫ್ ಅನ್ನು ಅಮೆರಿಕದ ಕಂಪನಿಗಳಿಗೆ ನೀಡಲಾಗುತ್ತದೆ.
ಕೋರ್ಟ್ನಲ್ಲಿ ಸಲ್ಲಿಕೆಯಾದ ದಾಖಲೆಗಳ ಪ್ರಕಾರ, ಟ್ರಂಪ್ರ ಟ್ಯಾರಿಫ್ ಬಂದ ಮೇಲೆ 3.3 ಲಕ್ಷಕ್ಕೂ ಅಧಿಕ ಆಮದುದಾರರು ಒಟ್ಟು 166 ಬಿಲಿಯನ್ ಡಾಲರ್ನಷ್ಟು ಟ್ಯಾರಿಫ್ ಅನ್ನು ಪಾವತಿಸಿದ್ದಾರೆ.
ಇದನ್ನೂ ಓದಿ: ಪ್ರೀಮಿಯಂ ಪೆಟ್ರೋಲ್, ಡೀಸಲ್ ಬೆಲೆ ಮತ್ತೆ ಏರಿಕೆ; ಲೀಟರ್ಗೆ 11 ರೂ ದರ
ಆದ್ಯತೆ ಮೇಲೆ ರೀಫಂಡ್ ಹಂಚಿಕೆ
ಅಮೆರಿಕದ ಕಸ್ಟಮ್ಸ್ ಮತ್ತು ಬಾರ್ಡರ್ ಪ್ರೊಟೆಕ್ಷನ್ ಏಜೆನ್ಸಿಯು ಹೊಸ ಆನ್ಲೈನ್ ರೀಫಂಡ್ ಕ್ಲೆಮ್ಸ್ ಪೋರ್ಟಲ್ ರಚಿಸುತ್ತಿದೆ. ಇದಾದ ಬಳಿಕ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗುತ್ತದೆ. ಆ ನಂತರ ಇತರ ಪ್ರಕ್ರಿಯೆಗಳು 45 ದಿನಗಳಲ್ಲಿ ಆಗಬಹುದು. ಬಹಳ ಸುಲಭ ಮತ್ತು ಸರಳ ಇರುವ ಪ್ರಕರಣಗಳನ್ನು ತೆಗೆದುಕೊಂಡರು, ರೀಫಂಡ್ ಮಾಡಿದರು. ರೀಫಂಡ್ ಅನ್ನು ಬಡ್ಡಿಸಮೇತ ನೀಡುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
