ದಾಳಿಂಬೆ ಸೇವನೆ ಯಾರಿಗೆಲ್ಲಾ ಒಳ್ಳೆಯದಲ್ಲ? ತಿನ್ನೋ ಮೊದಲು ಇದನ್ನು ತೆಗೆದುಕೊಳ್ಳಿ

<p><strong>Pomegranate Risks and Side Effects</strong>: ದಾಳಿಂಬೆ ಆರೋಗ್ಯಕ್ಕೆ ಒಳ್ಳೆಯದು ಅಂತಂದ್ರೆ, ಕೆಲವು ಆರೋಗ್ಯ ಸಮಸ್ಯೆ ಇರೋರು ಇದನ್ನ ಸೇವಿಸಬಾರದು. ಯಾರು ಸೇವಿಸಬಾರದು? ಕಾರಣಗಳೇನು ಅನ್ನೋದನ್ನ ಈ ಪೋಸ್ಟ್ ನಲ್ಲಿ ನೋಡೋಣ.</p><img><p>ದಾಳಿಂಬೆ ಹಣ್ಣು ಪೌಷ್ಟಿಕಾಂಶಗಳ ಆಗರ. ವಿಟಮಿನ್ ಸಿ, ಮೆಗ್ನೀಸಿಯಮ್, ಫಾಸ್ಪರಸ್, ಪೊಟ್ಯಾಸಿಯಮ್ ಇತ್ಯಾದಿ ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಈ ಹಣ್ಣು ಸೇಬಿನಷ್ಟೇ ಉಪಯುಕ್ತ. ಹೃದಯದ ಆರೋಗ್ಯದಿಂದ ಹಿಡಿದು ಕ್ಯಾನ್ಸರ್ ಕೋಶಗಳ ವಿರುದ್ಧ ಹೋರಾಡುವವರೆಗೆ ಹಲವು ಪ್ರಯೋಜನಗಳನ್ನು ನೀಡುತ್ತದೆ.&nbsp;</p><p>ರಕ್ತದಲ್ಲಿ ಕೆಂಪು ರಕ್ತಕಣಗಳನ್ನು ಹೆಚ್ಚಿಸಲು ಮತ್ತು ರಕ್ತಹೀನತೆಯನ್ನು ತಡೆಯಲು ಇದು ಸಹಾಯ ಮಾಡುತ್ತದೆ. ದಿನಾ ಒಂದು ದಾಳಿಂಬೆ ತಿನ್ನಬೇಕು ಅಂತ ವೈದ್ಯರು ಹೇಳೋದಕ್ಕೆ ಇದೇ ಕಾರಣ. ಆದ್ರೆ ಕೆಲವು ಆರೋಗ್ಯ ಸಮಸ್ಯೆ ಇರೋರಿಗೆ ದಾಳಿಂಬೆ ಅಪಾಯಕಾರಿ. ವೈದ್ಯರ ಸಲಹೆ ಇಲ್ಲದೆ ದಾಳಿಂಬೆ ಸೇವಿಸಬಾರದು. ಯಾರು ಸೇವಿಸಬಾರದು? ಕಾರಣಗಳೇನು ಅನ್ನೋದನ್ನ ಈ ಪೋಸ್ಟ್ ನಲ್ಲಿ ತಿಳಿದುಕೊಳ್ಳೋಣ.</p><img><p>ರಕ್ತದೊತ್ತಡ ಕಡಿಮೆ ಮಾಡುವ ಗುಣ ದಾಳಿಂಬೆಗಿದೆ. ಆದ್ರೆ ಬಿಪಿ ಮತ್ತು ಹೈ ಬಿಪಿಗೆ ಔಷಧಿ ತೆಗೆದುಕೊಳ್ಳುವವರು ದಾಳಿಂಬೆ ತಿನ್ನುವ ಮುನ್ನ ವೈದ್ಯರ ಸಲಹೆ ಪಡೆಯಬೇಕು.</p><img><p>ದಾಳಿಂಬೆಯಲ್ಲಿ ಪೊಟ್ಯಾಸಿಯಮ್ ಅಧಿಕವಾಗಿರುವುದರಿಂದ ಕಿಡ್ನಿ ಸಮಸ್ಯೆ ಇರುವವರು ದಾಳಿಂಬೆ ಹಣ್ಣನ್ನು ಸೇವಿಸಬಾರದು ಅಥವಾ ಕಡಿಮೆ ಪ್ರಮಾಣದಲ್ಲಿ ಸೇವಿಸಬೇಕು.</p><p><strong>ಇದನ್ನು ಓದಿ: </strong><strong>Kitchen Tips: ಅಡುಗೆ ಮಾಡುವ ಮೊದಲು ನೀವು ತಿಳಿದಿರಲೇಬೇಕಾದ ವಿಷಯಗಳಿವು!</strong></p><img><p>ಕೊಬ್ಬಿನ ಲಿವರ್ ಸಮಸ್ಯೆ ಇರುವವರು ಅಥವಾ ಅದಕ್ಕೆ ಔಷಧಿ ತೆಗೆದುಕೊಳ್ಳುವವರು ದಾಳಿಂಬೆ ಹಣ್ಣನ್ನು ಸೇವಿಸಬಾರದು. ಯಾಕೆಂದರೆ ದಾಳಿಂಬೆ ಲಿವರ್ ನ ಕಾರ್ಯಕ್ಷಮತೆಯನ್ನು ಕಡಿಮೆ ಮಾಡುತ್ತದೆ.</p><img><p>ದಾಳಿಂಬೆಯಲ್ಲಿ ನಾರಿನಂಶ ಹೆಚ್ಚಿರುವುದರಿಂದ ಕೆಲವರಿಗೆ ಅಲರ್ಜಿ ಉಂಟಾಗಬಹುದು. ಅಲರ್ಜಿ ಸಮಸ್ಯೆ ಇರುವವರು ದಾಳಿಂಬೆ ಸೇವಿಸಬಾರದು.</p><p>ಇದನ್ನೂ ಓದಿ: &nbsp;<strong>ಭಾನುವಾರ..ಚಿಕನ್, ಮಟನ್ ತರ್ತಿರಾ?, ಮಾಂಸ ಖರೀದಿಸುವ ಮೊದಲು ಇದನ್ನ ತಿಳಿದುಕೊಳ್ಳಿ</strong></p><img><p>ದಾಳಿಂಬೆ ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ ನಿಜ. ಆದರೆ 2 ವರ್ಷದೊಳಗಿನ ಮಕ್ಕಳಿಗೆ ದಾಳಿಂಬೆ ಕೊಡಬಾರದು.</p><p><strong>ಇದನ್ನೂ ಓದಿ:</strong> <strong>ನುಗ್ಗೆ ಸೊಪ್ಪಿನ ಪೌಡರ್ ದಿನಕ್ಕೆ ಎಷ್ಟು ತಿನ್ನಬೇಕು? ಜಾಸ್ತಿ ತಿಂದ್ರೆ ಏನಾಗುತ್ತೆ?</strong></p><img><p>ಗರ್ಭಿಣಿಯರು ದಾಳಿಂಬೆ ತಿನ್ನಬಹುದು. ಆದರೆ ಮಿತವಾಗಿ ಸೇವಿಸಬೇಕು. ಜ್ಯೂಸ್ ರೂಪದಲ್ಲಿ ಸೇವಿಸಬಾರದು.</p><p><strong>ಇದನ್ನೂ ಓದಿ: </strong><strong>ಮನೆಯಲ್ಲಿ ಹಾಲು ಒಡೆದರೆ ಒಳ್ಳೆಯದೋ, ಕೆಟ್ಟದ್ದೋ? ವಾಸ್ತು ದೋಷದ ಕಾರಣ ಮತ್ತು ಪರಿಹಾರವೇನು?</strong></p><img><p>ದಾಳಿಂಬೆಯಲ್ಲಿ ಕಾರ್ಬೋಹೈಡ್ರೇಟ್ ಮತ್ತು ಸಕ್ಕರೆ ಹೆಚ್ಚಿರುವುದರಿಂದ ಮಧುಮೇಹಿಗಳು ವಾರಕ್ಕೆ 1-2 ದಿನ ಮಾತ್ರ ಸೇವಿಸಬೇಕು. ಅದೂ ಕಡಿಮೆ ಪ್ರಮಾಣದಲ್ಲಿ.</p><img><p>ಶಸ್ತ್ರಚಿಕಿತ್ಸೆಗೆ ಮುನ್ನ ಎರಡು ವಾರಗಳ ಮೊದಲು ದಾಳಿಂಬೆ ಸೇವಿಸಬಾರದು. ಶಸ್ತ್ರಚಿಕಿತ್ಸೆಯ ನಂತರ ವೈದ್ಯರ ಸಲಹೆ ಪಡೆದು ಸೇವಿಸಬೇಕು.</p><p>Disclaimer: ಇದು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಇದನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ ದೃಢೀಕರಿಸುವದಿಲ್ಲ. ಬಳಕೆದಾರರು ಇವನ್ನು ಕೇವಲ ಮಾಹಿತಿಯನ್ನಾಗಿ ಮಾತ್ರ ಪರಿಗಣಿಸಬೇಕಾಗಿ ವಿನಂತಿ.</p>



Source link