ಮದುವೆ ಆಗೋವರೆಗೂ ಲವ್‌ ವಿಷ್ಯವನ್ನು ರಶ್ಮಿಕಾ ಮಂದಣ್ಣರಂಥ ಸೆಲೆಬ್ರಿಟಿಗಳು ಯಾಕೆ ಮುಚ್ಚಿಡ್ತಾರೆ? ಇದೆ ಬಲವಾದ ಕಾರಣ

<p>Rashmika Mandanna Marriage News: ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್‌ ದೇವರಕೊಂಡ ಅವರು ಕೆಲ ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರೂ ಕೂಡ, ಎಲ್ಲಿಯೂ ಹೇಳಿಕೊಂಡಿರಲಿಲ್ಲ. ಇವರು ಒಂದೇ ಅಲ್ಲ, ಇನ್ನೂ ಕೆಲವರು ಹೀಗೆ ಮಾಡೋದುಂಟು. ಹಾಗಾದರೆ ಇದಕ್ಕೆ ಕಾರಣ ಏನು? ಯಾಕೆ ಹೀಗೆ ಮಾಡುತ್ತಾರೆ?</p><p>&nbsp;</p><img><p>ಸ್ಯಾಂಡಲ್‌ವುಡ್‌ನಿಂದ ಬಾಲಿವುಡ್‌ವರೆಗೆ ಅನೇಕ ಸೆಲೆಬ್ರಿಟಿಗಳು ಒಪನ್‌ ಆಗಿ ಲವ್‌ ಬಗ್ಗೆ ಹೇಳೋದಿಲ್ಲ, ನಾವು ಸ್ನೇಹಿತರು ಎಂದು ಹೇಳಿ ಜಾರಿಕೊಳ್ಳುತ್ತಾರೆ, ಆಮೇಲೆ ಮದುವೆ ಆಗ್ತಾರೆ. ಇದಕ್ಕೆ ಕಾರಣ ಏನು?</p><p>ಲವ ಮ್ಯಾಟರ್‌ನ್ನು ಗುಟ್ಟಾಗಿಡಲು ಸೆಲೆಬ್ರಿಟಿಗಳಿಗೆ, ಸಾಮಾನ್ಯ ಜನರಿಗಿಂತಲೂ ಹೆಚ್ಚಿನ ಒತ್ತಡವಿರುತ್ತದೆ, ಕಾರಣಗಳಿರುತ್ತವೆ. ಬಣ್ಣದ ಲೋಕದಲ್ಲಿ ಒಂದು ಸಣ್ಣ ಸುಳಿವು ಸಿಕ್ಕರೂ ಕೂಡ ಅದು ದೊಡ್ಡ ಸುದ್ದಿಯಾಗುತ್ತದೆ.</p><img><p>ವಿಶೇಷವಾಗಿ ಕಲಾವಿದರಿಗೆ ಅವರ ‘ಸಿಂಗಲ್’ ಸ್ಟೇಟಸ್ ಎನ್ನೋದು ಒಂದು ರೀತಿಯಲ್ಲಿ ಮಾರ್ಕೆಟ್ ವ್ಯಾಲ್ಯೂ ಇದ್ದಂತೆ. ಕಲಾವಿದರನ್ನು ಅಭಿಮಾನಿಗಳು ಕ್ರಶ್‌ ಥರ ನೋಡ್ತಾರೆ, ರಿಲೇಶನ್‌ಶಿಪ್‌ನಲ್ಲಿದ್ದಾರೆ ಎಂದು ಗೊತ್ತಾದರೆ ಆ ಕ್ರೇಜ್‌ ಕಮ್ಮಿ ಆಗಲೂಬಹುದು ಎಂಬ ಭಯ ನಿರ್ಮಾಪಕರಿಗೆ ಇರುವುದು.</p><img><p>ಕೆಲವು ಕಂಪನಿಗಳು "ಯೂತ್ ಐಕಾನ್" ಆಗಿರುವ ಸಿಂಗಲ್ ಸೆಲೆಬ್ರಿಟಿಗಳನ್ನೇ ತಮ್ಮ ಜಾಹೀರಾತುಗಳಿಗೆ ರಾಯಭಾರಿ ಆಗಿ ಹಾಕಿಕೊಳ್ಳುತ್ತವೆ. ಹೀಗಾಗಿ ಕೆಲ ಜಾಹೀರಾತು ಆಫರ್‌ ಮಿಸ್‌ ಆಗುವುದು.&nbsp;</p><img><p>ಲವ್‌ ವಿಷಯ ಹೊರಗಡೆ ಬಂದರೆ ಕೆಲವು ಮಾಧ್ಯಮಗಳು, ಪಾಪರಾಜಿಗಳು ಸೆಲೆಬ್ರಿಟಿಗಳ ಬೆನ್ನತ್ತುತ್ತಾರೆ. ಆ ಜೋಡಿ ಎಲ್ಲಿಗೆ ಹೋಯಿತು? ಏನು ತಿಂದರು? ಜಗಳವಾಡಿದ್ದಾರಾ? ಹೀಗೆ ಪ್ರತಿಯೊಂದು ವಿಷಯವೂ ಸುದ್ದಿ ಆಗುವುದು. ಈ ನಿರಂತರ ಕಣ್ಗಾವಲು ಈ ಜೋಡಿ ಸಂಬಂಧದಲ್ಲಿ ಅನಗತ್ಯ ಒತ್ತಡ ಉಂಟುಮಾಡುತ್ತದೆ.</p><img><p>ಸಿನಿಮಾ ರಂಗದಲ್ಲಿ ಪ್ರಚಾರಕ್ಕಾಗಿ ತಾರೆಯರ ನಡುವೆ ಅಫೇರ್ ಇದೆ ಎಂಬ ವದಂತಿ ಹಬ್ಬಿಸುವುದು ಸಾಮಾನ್ಯ. ಆದರೆ ನಿಜವಾದ ಪ್ರೀತಿಯಲ್ಲಿರುವವರು, ತಮ್ಮ ಪವಿತ್ರವಾದ ರಿಲೇಶನ್‌ಶಿಪ್ ಇಂತಹ "ಪಬ್ಲಿಸಿಟಿ ಸ್ಟಂಟ್"‌ ಆಗುವುದು ಇಷ್ಟಪಡುವುದಿಲ್ಲ.</p><img><p>ಒಂದು ವೇಳೆ ಮೊದಲೇ ಲವ್‌ ವಿಷಯ ಹೇಳಿ, ಆಮೇಲೆ ಬ್ರೇಕಪ್‌ ಆಧರೆ ಜನರು, ಸಮಾಜ, ಸೋಶಿಯಲ್‌ ಮೀಡಿಯಾ ಟ್ರೋಲ್‌ಗಳು ಇನ್ನಷ್ಟು ನೋವು ಕೊಡುತ್ತವೆ. ಹೀಗಾಗಿ ಮದುವೆ ತನಕ ಸುಮ್ಮನೆ ಇರುತ್ತಾರೆ.</p><img><p>ಕ್ಯಾಮೆರಾ ಮುಂದೆ ಇಡೀ ದಿನ ಕಳೆಯುವ ಸೆಲೆಬ್ರಿಟಿಗಳಿಗೆ ಖಾಸಗಿ ಜೀವನ ಖಾಸಗಿ ಆಗಿರಲಿ ಎಂಬ ಬಯಕೆ ಇರುವುದು. ಎಲ್ಲವನ್ನೂ ಜಗತ್ತಿಗೆ ಹೇಳಬೇಕೆಂಬ ನಿಯಮವಿಲ್ಲ ಎಂದುಕೊಳ್ಳುತ್ತಾರೆ.</p><img><p>ಯಾವುದೇ ಕೆಲಸ ಆಗೋವರೆಗೂ ಹೇಳಬಾರದು, ದೃಷ್ಟಿ ಬೀಳುವುದು ಎನ್ನುತ್ತಾರೆ. ಹಾಗೆಯೇ ಲವ್‌ ಕೂಡ ಮದುವೆ ಆಗೋವರೆಗೂ ಹೇಳೋದು ಬೇಡ ಎಂದು ಸುಮ್ಮನೆ ಇರೋದುಂಟು.&nbsp;</p>



Source link