Winter Recipe: ಚಳಿಗಾಲದಲ್ಲಿ ಇಡೀ ದೇಹವನ್ನು ಬೆಚ್ಚಗಿಡುವ ಪೆಪ್ಪರ್ ರಸಂ ಸಿಂಪಲ್ ರೆಸಿಪಿ

ಹೆಚ್ಚುತ್ತಿರುವ ಚಳಿಯಲ್ಲಿ ದೇಹವನ್ನು ಬೆಚ್ಚಗಿಡಲು ಆರೋಗ್ಯಕರ ಪೆಪ್ಪರ್ ರಸಂ ಉತ್ತಮ ಆಯ್ಕೆಯಾಗಿದೆ. ಕಾಳು ಮೆಣಸು, ಜೀರಿಗೆ, ಮತ್ತು ಬೆಳ್ಳುಳ್ಳಿಯಂತಹ ಸರಳ ಪದಾರ್ಥಗಳನ್ನು ಬಳಸಿ, ಬಿಸಿ ಅನ್ನದೊಂದಿಗೆ ಸವಿಯಲು ಸೂಕ್ತವಾದ ಈ ರುಚಿಕರ ರಸಂ ಅನ್ನು ಸುಲಭವಾಗಿ ತಯಾರಿಸಬಹುದು.<img><p>ಕಳೆದ ಒಂದು ವಾರದಿಂದ ಚಳಿ ಪ್ರಮಾಣ ಏರಿಕೆಯಾಗುತ್ತಿದ್ದು, ಇಂದು ನಾವು ಹೇಳುವ ರೀತಿಯಲ್ಲಿ ರಸಂ ಮಾಡಿಕೊಂಡ್ರೆ ಇಡೀ ದೇಹ ಬೆಚ್ಚಗಿರುತ್ತದೆ. ಆರೋಗ್ಯ ದೃಷ್ಟಿಯಿಂದಲೂ ಈ ರಸಂ ತುಂಬಾ ಒಳ್ಳೆಯದು. ಮಕ್ಕಳು ಮತ್ತು ವೃದ್ಧರಿಗೆ ಸೂಪ್ ರೀತಿಯಲ್ಲಿ ಈ ರಸಂ ಮಾಡಿಕೊಡಬಹುದಾಗಿದೆ.</p><img><p>ಕಾಳು ಮೆಣಸು: 6 ರಿಂದ 8, ಜೀರಿಗೆ: 1 ಟೀ ಸ್ಪೂನ್, ಬೆಳ್ಳುಳ್ಳಿ: 4 ರಿಂದ 6 ಎಸಳು, ಅರಿಶಿನ: ಚಿಟಿಕೆ, ಕೋತಂಬರಿ ಸೊಪ್ಪು, ಎಣ್ಣೆ: 1/2 ಟೀ ಸ್ಪೂನ್ ಮತ್ತು ಉಪ್ಪು ರುಚಿಗೆ ತಕ್ಕಷ್ಟು</p><img><p>ಮೊದಲಿಗೆ ಕಾಳು ಮೆಣಸು, ಜೀರಿಗೆ ಮತ್ತು ಬೆಳ್ಳುಳ್ಳಿಯನ್ನು ಸೇರಿಸಿಕೊಂಡು ಚೆನ್ನಾಗಿ ಜಜ್ಜಿಕೊಂಡು ಎತ್ತಿಟ್ಟುಕೊಳ್ಳಿ. ನಂತರ ಕೋತಂಬರಿ ಸೊಪ್ಪನ್ನು ತೊಳೆದುಕೊಂಡು ಚಿಕ್ಕದಾಗಿ ಕತ್ತರಿಸಿಕೊಳ್ಳಿ ಅಥವಾ ತರಿತರಿಯಾಗಿ ಜಜ್ಜಿಕೊಳ್ಳಬಹುದು.</p><img><p>ಇದೀಗ ಒಲೆ ಆನ್ ಮಾಡ್ಕೊಂಡು ಪಾತ್ರೆ ಇರಿಸಿಕೊಂಡು ಎಣ್ಣೆ ಅಥವಾ ತುಪ್ಪ ಹಾಕಿಕೊಳ್ಳಿ. ಎಣ್ಣೆ ಬಿಸಿಯಾಗುತ್ತಿದ್ದಂತೆ ಜಜ್ಜಿಕೊಂಡಿರುವ ಕಾಳು ಮೆಣಸು, ಜೀರಿಗೆ ಮತ್ತು ಬೆಳ್ಳುಳ್ಳಿ ಮಿಶ್ರಣ ಸೇರಿಸಿಕೊಳ್ಳಬೇಕು. ಮಿಶ್ರಣವೆಲ್ಲಾ ಎಣ್ಣೆಯಲ್ಲಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ.</p><p><strong>ಇದನ್ನೂ ಓದಿ: </strong><strong>ಗೃಹಿಣಿಯರೇ ಇಲ್ ಕೇಳಿ.. ಈ Kitchen Tips ಗೊತ್ತಿದ್ರೆ ಊಟ ಮಾಡಿದವ್ರು ವಾರೆ ವ್ಹಾ ಅಂತಾರೆ!</strong></p><img><p>ನಂತರ ಇದಕ್ಕೆ ಒಂದರಿಂದ ಎರಡು ಗ್ಲಾಸ್ ನೀರು ಸೇರಿಸಿಕೊಳ್ಳಿ. ನಂತರ ಇದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿಕೊಂಡು ಕೋತಂಬರಿ ಸೊಪ್ಪು ಹಾಕಿಕೊಂಡು 10 ರಿಂದ 15 ನಿಮಿಷ ಚೆನ್ನಾಗಿ ಕುದಿಸಿಕೊಳ್ಳಿ. ಬಿಸಿಯಾದ ಅನ್ನಕ್ಕೆ ಈ ರೀತಿಯ ಪೆಪ್ಪರ್ ರಸಂ ಒಳ್ಳೆಯದು. ಖಾರ ಹೆಚ್ಚು ಅನ್ನಿಸಿದ್ರೆ ತುಂಡು ಬೆಲ್ಲ ಸೇರಿಸಿಕೊಳ್ಳಬಹುದು.</p><p><strong>ಇದನ್ನೂ ಓದಿ: </strong><strong>Kitchen Tips: ಗ್ಯಾಸ್ ಸ್ಟವ್ ಬಳಿ ಎಂದಿಗೂ ಇಡಬಾರದ 6 ವಸ್ತುಗಳಿವು</strong></p>



Source link