ಯುವಿ, ಕೈಫ್, ಜಡ್ಡು ಅಲ್ಲವೇ ಅಲ್ಲ ಈತನೇ ಭಾರತದ ಸಾರ್ವಕಾಲಿಕ ಶ್ರೇಷ್ಠ ಫೀಲ್ಡರ್ ಎಂದ ಜಾಂಟಿ ರೋಡ್ಸ್‌!

<p>ಬೆಂಗಳೂರು: ಭಾರತ ಕ್ರಿಕೆಟ್ ತಂಡವು ಹಲವು ದಿಗ್ಗಜ ಆಟಗಾರರನ್ನು ಕ್ರಿಕೆಟ್ ಜಗತ್ತಿಗೆ ಪರಿಚಯಿಸಿದೆ. ಹಲವಾರು ಕ್ರಿಕೆಟಿಗರು ಬ್ಯಾಟಿಂಗ್, ಬೌಲಿಂಗ್ ಮಾತ್ರವಲ್ಲದೇ ಚುರುಕಿನ ಕ್ಷೇತ್ರರಕ್ಷಣೆ ಮೂಲಕ ತಮ್ಮದೇ ಛಾಪು ಮೂಡಿಸಿದ್ದರಾರೆ. ಇದೀಗ ಜಾಂಟಿ ರೋಡ್ಸ್‌ ಭಾರತದ ಶ್ರೇಷ್ಠ ಫೀಲ್ಡರ್ ಹೆಸರಿಸಿದ್ದಾರೆ.</p><p>&nbsp;</p><img><p>ದಕ್ಷಿಣ ಆಫ್ರಿಕಾದ ಮಾಜಿ ಕ್ರಿಕೆಟಿಗ ಜಾಂಟಿ ರೋಡ್ಸ್, ಕ್ರಿಕೆಟ್ ಜಗತ್ತು ಕಂಡ ಸಾರ್ವಕಾಲಿಕ ಶ್ರೇಷ್ಠ ಫೀಲ್ಡರ್ ಎನ್ನುವ ಖ್ಯಾತಿ ಗಳಿಸಿದ್ದಾರೆ.&nbsp;</p><img><p>ಜಾಂಟಿ ಬಳಿ ಚೆಂಡು ಹೋದರೆ ಎದುರಾಳಿ ಪಡೆಯ ಬ್ಯಾಟರ್‌ಗಳು ರನ್ ಕದಿಯಲು ಹಿಂದೇಟು ಹಾಕುತ್ತಿದ್ದರು.</p><img><p>ಈಗಲೂ ಜಾಂಟಿ ರೋಡ್ಸ್‌ ಹಲವು ಕ್ರಿಕೆಟಿಗರ ಪಾಲಿಗೆ ಕ್ಷೇತ್ರರಕ್ಷಣೆಯ ವಿಚಾರದಲ್ಲಿ ಸ್ಪೂರ್ತಿಯ ಚಿಲುಮೆಯಾಗಿದ್ದಾರೆ. ಹೀಗಿರುವ ರೋಡ್ಸ್‌ ಭಾರತದ ಸಾರ್ವಕಾಲಿಕ ಶ್ರೇಷ್ಠ ಫೀಲ್ಡರ್ ಯಾರು ಎನ್ನುವ ಕುತೂಹಲಕ್ಕೆ ತೆರೆ ಎಳೆದಿದ್ದಾರೆ.</p><img><p>ಹೌದು, ಭಾರತ ತಂಡದಲ್ಲೂ ಹಲವು ಫಿಟ್ ಕ್ರಿಕೆಟಿಗರಿದ್ದು, ತಮ್ಮ ಚುರುಕಿನ ಕ್ಷೇತ್ರರಕ್ಷಣೆಯ ಮೂಲಕವೇ ಎದುರಾಳಿಗಳ ಪಾಲಿಗೆ ಸಿಂಹಸ್ವಪ್ನರಾಗಿ ಕಾಡಿದ್ದಾರೆ.</p><img> "/&gt;<p>90ರ ದಶಕದ ಬಳಿಕ ಭಾರತದ ಕ್ಷೇತ್ರರಕ್ಷಣೆ ದಿನದಿಂದ ದಿನಕ್ಕೆ ವಿಶ್ವದರ್ಜೆಗೆ ಏರುತ್ತಲೇ ಬಂದಿದೆ. ಅದರಲ್ಲೂ ಮೊಹಮ್ಮದ್ ಕೈಫ್ ಹಾಗೂ ಯುವರಾಜ್ ಸಿಂಗ್ ಎಂತಹ ಕಠಿಣ ಕ್ಯಾಚ್ ಗಳಾಗಿದ್ದರೂ ಅನಾಯಾಸವಾಗಿ ಹಿಡಿಯುತ್ತಿದ್ದರು.</p><img><p>ಕ್ಯಾಚ್ ವಿನ್ಸ್ ಮ್ಯಾಚ್ ಎನ್ನುವಂತೆ, ಯುವರಾಜ್ ಸಿಂಗ್, ಮೊಹಮ್ಮದ್ ಕೈಫ್ ಜತೆಗೆ ಈಗ ರವೀಂದ್ರ ಜಡೇಜಾ ಕೂಡಾ ಅದ್ಭುತ ಕ್ಷೇತ್ರರಕ್ಷಣೆಯ ಮೂಲಕವೇ ಭಾರತಕ್ಕೆ ಹಲವು ಪಂದ್ಯಗಳನ್ನು ಗೆಲ್ಲಿಸಿಕೊಟ್ಟಿದ್ದಾರೆ.</p><img><p>ಹೀಗಿರುವಾಗ ಒಂದು ವಿಡಿಯೋ ಸಂದರ್ಶನದಲ್ಲಿ ಜಾಂಟಿ ರೋಡ್ಸ್‌ಗೆ ಭಾರತದ ಸಾರ್ವಕಾಲಿಕ ಶ್ರೇಷ್ಠ ಫೀಲ್ಡರ್ ಯಾರು ಎನ್ನುವ ಪ್ರಶ್ನೆಗೆ ಕೊಂಚವೂ ಆಲೋಚಿಸದೇ ಸುರೇಶ್ ರೈನಾ ಎಂದು ಹೇಳಿದ್ದಾರೆ.</p><img><p>ಜಡೇಜಾ ಪ್ರತಿ ಬಾರಿಯೂ ಚೆಂಡನ್ನು ವಿಕೆಟ್‌ಗೆ ಎಸೆಯಬಲ್ಲರು. ಅವರು ಫೀಲ್ಡಿಂಗ್‌ನಲ್ಲಿ ಯಾವಾಗಲೂ ಚುರುಕಾಗಿರುತ್ತಾರೆ. ಆದರೆ ಸುರೇಶ್ ರೈನಾ ಅವರನ್ನು ಆರಂಭದಿಂದಲೂ ನೋಡುತ್ತಾ ಬಂದಿದ್ದೇನೆ.</p><img><p>ಎಬಿ ಡಿವಿಲಿಯರ್ಸ್ ಹಾಗೂ ಸುರೇಶ್ ರೈನಾ ಫೀಲ್ಡಿಂಗ್‌ನಲ್ಲಿ ಮೋಡಿ ಮಾಡುತ್ತಾರೆ. ಸುರೇಶ್ ರೈನಾ ಅವರ ಫೀಲ್ಡಿಂಗ್ ನೋಡುತ್ತಿದ್ದರೇ, ನನ್ನನ್ನೇ ನಾನು ಮೈದಾನದಲ್ಲಿ ನೋಡಿದಂತಾಗುತ್ತದೆ.</p><img><p>ನಾನು ಚೆಂಡಿಗಾಗಿ ಡೈವ್ ಮಾಡುತ್ತೇನೆಯೇ ಹೊರತು, ಕ್ಯಾಮರಾದಲ್ಲಿ ಚೆನ್ನಾಗಿ ಕಾಣಲಿ ಎಂದು ಡೈವ್ ಮಾಡುವುದಿಲ್ಲ. ಸುರೇಶ್ ರೈನಾ ಕೂಡಾ ಕ್ಯಾಮರಾ ಫೋಕಸ್ ಬಗ್ಗೆ ತಲೆಕೆಡಿಸಿಕೊಳ್ಳದೇ ತಂಡಕ್ಕಾಗಿ ಪೂರ್ಣ ಎಫರ್ಟ್ ಹಾಕುತ್ತಾರೆ ಎಂದು ರೋಡ್ಸ್ ಅಭಿಪ್ರಾಯಪಟ್ಟಿದ್ದಾರೆ.</p>



Source link