ನವದೆಹಲಿ, ಫೆಬ್ರುವರಿ 1: ಭಾರತ ತನ್ನ ನೆರೆ ರಾಷ್ಟ್ರಗಳು ಸೇರಿದಂತೆ ವಿವಿಧ ದೇಶಗಳಿಗೆ ಬೇರೆ ಬೇರೆ ಕಾರಣಕ್ಕೆ ಸಾಲ ಹಾಗೂ ದೇಣಿಗೆಗಳನ್ನು ನೀಡಲಾಗುತ್ತದೆ. ಈ ಬಾರಿಯ ಬಜೆಟ್ನಲ್ಲಿ (ಯೂನಿಯನ್ ಬಜೆಟ್ 2026) ಮಾಡಲಾದ ಅಂದಾಜು ಪ್ರಕಾರ ಭಾರತದಿಂದ 2026-27ರ ವರ್ಷದಲ್ಲಿ 8,792.32 ಕೋಟಿ ರೂ ಹಣದ ನೆರವನ್ನು ಕೊಡುವ ಯೋಜನೆ ಇದೆ. ಇದರಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಅಡಿಯಲ್ಲೇ 6,997 ಕೋಟಿ ರೂ ಅನುದಾನಗಳು ವಿವಿಧ ದೇಶಗಳಿಗೆ ಸಂದಾಯವಾಗಲಿವೆ.
ವಿದೇಶಾಂಗ ವ್ಯವಹಾರಗಳ ಸಚಿವಾಲಯದಿಂದ ಮುಂದಿನ ವರ್ಷ ನೀಡಲಾಗುವುದು 6,997.56 ಕೋಟಿ ರೂ ಹಣದ ನೆರವಿನಲ್ಲಿ 519.92 ಕೋಟಿ ರೂ ಸಾಲ ಇದೆ. ಅಫ್ಘಾನಿಸ್ತಾನದಿಂದ ಹಿಡಿದು ಮಾಯನ್ಮಾರ್ವರೆಗೆ ಹಲವು ದೇಶಗಳಿಗೆ ಭಾರತ ದೇಣಿಗೆ ನೀಡುತ್ತಿದೆ. ಭೂತಾನ್ ದೇಶಕ್ಕೆ ಅತಿಹೆಚ್ಚು ಸಹಾಯವನ್ನು ಭಾರತ ಮಾಡುತ್ತಾ ಬಂದಿದೆ. ಈ ಬಾರಿಯೂ ಇದು ಮುಂದುವರಿದಿದೆ.
6,997 ಕೋಟಿ ರೂ ಮೇಲಕ್ಕೆ 2,288 ಕೋಟಿ ರೂ ಭೂತಾನ್ಗೆ ನೀಡಲಾಗುತ್ತಿದೆ. ನೇಪಾಳ ಮತ್ತು ಮಾಲ್ಡೀವ್ಸ್ ದೇಶಗಳ ಅಧಿಕ ನೆರವನ್ನು ಭಾರತ ಬಿಡುಗಡೆ ಮಾಡುತ್ತಿದೆ. ಇದಲ್ಲದೆ, ಅಂತಾರಾಷ್ಟ್ರೀಯ ಸಾಂಸ್ಕೃತಿ ಮತ್ತು ಪರಂಪರಿಕ ಯೋಜನೆ, ಅಂತಾರಾಷ್ಟ್ರೀಯ ತರಬೇತಿ ಕಾರ್ಯಕ್ರಮಗಳಿಗೆ ಭಾರತ ಸುಮಾರು 1,300 ಕೋಟಿ ರೂ.
ಇದನ್ನೂ ಓದಿ: ಷೇರುಪೇಟೆ ಮೇಲೆ ಪರಿಣಾಮ ಬೀರಬಲ್ಲ ಪ್ರಮುಖ ಬಜೆಟ್ ಘೋಷಣೆಗಳು
ಹಣಕಾಸು ಸಚಿವಾಲಯದಿಂದ ನೀಡಲಾಗುವ ಅಂತಾರಾಷ್ಟ್ರೀಯ ನೆರವು ಸುಮಾರು 1,794.76 ಕೋಟಿ ರೂ. ಇದರಲ್ಲಿ ಇಂಡಿಯನ್ ಡೆವಲಪ್ಮೆಂಟ್ ಮತ್ತು ಎಕನಾಮಿಕ್ ಅಸಿಸ್ಟೆನ್ಸ್ ಸ್ಕೀಮ್ ಅಡಿಯಲ್ಲಿ ನೀಡಲಾಗುವ ಹಣವೇ 1,675.18 ಕೋಟಿ ರೂ ಇದೆ.
2026-27ರಲ್ಲಿ ಹಣಕಾಸು ಸಚಿವಾಲಯದಿಂದ ಬಿಡುಗಡೆಯಾಗಲಿರುವ ಬಾಹ್ಯ ನೆರವು
- ಅಫ್ಗಾನಿಸ್ತಾನ: 150 ಕೋಟಿ ರೂ
- ಬಾಂಗ್ಲಾದೇಶ: 60 ಕೋಟಿ ರೂ
- ಭೂತಾನ್: 2,288.56 ಕೋಟಿ ರೂ
- ನೇಪಾಳ: 800 ಕೋಟಿ ರೂ
- ಶ್ರೀಲಂಕಾ: 400 ಕೋಟಿ ರೂ
- ಮಾಲ್ಡೀವ್ಸ್: 550 ಕೋಟಿ ರೂ
- ಮಂಗೋಲಿಯಾ: 25 ಕೋಟಿ ರೂ
- ಮಾಯನ್ಮಾರ್: 300 ಕೋಟಿ ರೂ
- ಶೇಶೆಲೆಸ್: 19 ಕೋಟಿ ರೂ
- ಮಾರಿಷಸ್: 550 ಕೋಟಿ ರೂ
- ಆಫ್ರಿಕನ್ ದೇಶಗಳು: 225 ಕೋಟಿ ರೂ
- ಯೂರೇಷನ್ ದೇಶಗಳು: 38 ಕೋಟಿ ರೂ
- ಲ್ಯಾಟಿನ್ ಅಮೆರಿಕನ್ ದೇಶಗಳು: 120 ಕೋಟಿ ರೂ
- ಇತರ ಅಭಿವೃದ್ಧಿಶೀಲ ದೇಶಗಳು: 80 ಕೋಟಿ ರೂ
- ಕಲ್ಚರಲ್ ಅಂಡ್ ಹೆರಿಟೇಜ್ ಪ್ರಾಜೆಕ್ಟ್ ನೆರವು: 20 ಕೋಟಿ ರೂ
- ವಿಪತ್ತು ಪರಿಹಾರಕ್ಕೆ: 80 ಕೋಟಿ ರೂ
- ಇಂಟರ್ನ್ಯಾಷನಲ್ ಟ್ರೈನಿಂಗ್ಗೆ ನೆರವು: 1,292 ಕೋಟಿ ರೂ
ಇದನ್ನೂ ಓದಿ: ರಾಜ್ಯಗಳಿಗೆ ಶೇ. 41 ತೆರಿಗೆ ಹಂಚಿಕೆ ಸೂತ್ರ; 16ನೇ ಹಣಕಾಸು ಆಯೋಗದ ಶಿಫಾರಸು ಒಪ್ಪಿದ ಕೇಂದ್ರ
ಈ ಮೇಲಿನ ಪಟ್ಟಿಯಿಂದ ಛಾಬಹಾರ್ ಬಂದರು ಅಭಿವೃದ್ಧಿಗೆ ನೀಡಬೇಕಾಗಿತ್ತು 400 ಕೋಟಿ ರೂ ನೆರವನ್ನು ಪ್ರಸ್ತುತ ಹಿಂಪಡೆಯಲಾಗಿದೆ. ಇರಾನ್ ಯುದ್ಧದ ಪರಿಸ್ಥಿತಿಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಂಡಿರಬಹುದು. ಇನ್ನು, ಹಣಕಾಸು ಸಚಿವಾಲಯದಿಂದ 1,794.76 ಕೋಟಿ ರೂ ನೆರವು ನೀಡುವ ಅಂದಾಜು ಮಾಡಲಾಗಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
